بە پێی ڕاپۆرتی ئاژانسی هەواڵی مێهر، لە کۆبوونەوەکەدا هەردوولا لەسەر چوار میحوەری سەرەکی گەیشتنە ڕێککەوتن و بەیاننامەیەکی هاوبەشیان بڵاوکردەوە و جەختیان لەسەر بەردەوامیی دانوستانەکان لە ئایندەیەکی نزیکدا کردەوە.
پێکهێنانی لیژنە تایبەتەکان بۆ چاودێریکردنی جێبەجێکردنی ڕێککەوتنی ١٠ی ئازار لە نێوان مەزلوم کۆبانی، فەرماندەی گشتیی هێزەکانی سووریای دیموکرات و ئەحمەد شەرع، سەرۆکی حکوومەتی کاتی سووریا.
هەوڵدان بۆ چارەسەرکردنی ئەو کێشانەی کە ماونەتەوە و پەیوەستن بە تاقیکردنەوە و ناوەندەکانی تاقیکردنەوە، گەرەنتیکردنی مافەکانی خوێندکاران، و ئارامی لە پرۆسەی خوێندندا.
گفتوگۆ لەسەر میکانیزمەکانی ئاسانکاری بۆ گەڕانەوەی ئاوارەکان بۆ ناوچەکانی خۆیان و هەوڵدان بۆ لابردنی ئاستەنگەکانی بەردەم ئەم گەڕانەوەیە.
کاراکردنەوەی دۆسیەی گەڕەکی ئەشرەفییە و شێخ مەقسود و هەوڵدان بۆ چارەسەرکردنی بە شێوەیەک کە خزمەت بە سەقامگیری کۆمەڵایەتی و ئارامی بکا.
Your Comment