بە ڕاپۆرتی ئاژانسی هەواڵی مێهر، بە گێڕانەوە لە ماڵپەڕی ڕاگەیاندنی ڕەوتی حیکمەی نیشتمانی عێراق، عەبدوللەتیف جەماڵ ڕەشید، سەرۆک کۆماری عێراق لە ڕێوڕەسمی ساڵڕۆژی شەهیدبوونی ئایەتوڵڵا سەید محەمەدباقر حەکیم و ڕۆژی شەهیدی عێراقی لە نووسینگەی ڕەوتی حیکمەی نیشتمانی عێراق لە بەغدا، ڕایگەیاند: عێراق هەلومەرجێکی دژواری پشت سەر ناوە و ئێستا گیشتۆتە کەناری ئاسایش و سەقامگیری؛ کەواتە تۆکمەکردنی کۆڵەکەکانی دیموکراسی، ئەرکێکی نیشتمانی و نەتەوەییە.
ناوبراو لە درێژەدا، زیندووڕاگرتنی یادی زانایان، کەسایەتییە نیشتمانییە گەورەکان و خۆبەخشییان بۆ بەرەکانی داهاتووی بە بەشێک لە مێژوو و شوناسی وڵات و ئەرکێکی نیشتمانی زانی و وتیشی: ئامانج لە کۆبوونەوەمان بۆ ڕێوڕەسمی ڕۆژی شەهیدی عێراقی، هەرمانکردنی ئەو خۆبەخشیانەیە کە گەلی ئێمە لەپێناو ئازادی، دیموکراسی و بەرەنگاربوونەوەی دیکتاتۆر پێشکەشی کردووە.
سەرۆک کۆماری عێراق جەختی لەوەش کرد: بۆ تێپەڕین لە ڕۆژانی سەخڵەتی، منداڵانی گەلی عێراق و لەوان هێزەکانی ئاسایش لە ئەرتەش، پۆلیس، حەشدی شەعبی و هێزی پێشمەرگە، هەوڵێکی زۆریان داوە و گیانی خۆیان لەو ڕێبازەدا بەخت کردووە.
عەبدوللەتیف جەماڵ ڕەشید زیادیشی کرد: پاوەجێی پڕۆسەی دیموکراتیک ئەرکێکی نیشتمانییە کە لە ڕێگەی پابەندی بە دەستوور و ڕاپەڕاندنی لەکاتی خۆیدا مسۆگەر دەبێت.
Your Comment