بە ڕاپۆرتی ئاژانسی هەواڵی مێهر، سەید عەباس عێراقچی، سەبارەت بە دانوستانە ناڕاستەوخۆکانی ئێران و ئەمریکا، ڕایگەیاند: ئەوڕۆ نزیکەی 4 کاتژمێر دانوستانمان بوو کە دانیشتنێکی زۆر باش و بەرەو پێش بوو.
وتیشی: بە سەرکەوتوویی سەبارەت بە هەندێک لە ئامانجەکان ڕێککەوتنی باشمان بوو و بڕیار درا کە دانوستانەکان درێژەی هەبێت و هەنگاو بنێتە قۆناغەکانی دواتر. بەمجۆرە دانیشتنی کارناسی لە ڕۆژی چوارشەممە لە عەمان دەست پێدەکات و پاش ئەوە دیسان لەگەڵ وەفدی دانوستانکار لە عەمان کۆ دەبینەوە.
سەرۆکی دەزگای دیپلۆماسی ئێڕان جەختیشی کرد: خەڵک و میدیاکان زۆر بەها بە دەنگۆکان نەدەن و ئیزن بەدەن کە ئێمە ڕەوتی ژیرانەمان بگرینە بەر و بە ئەنجام بگەین.
عێراقچی بە بیرهێنانەوە لێدوانەکانی ڕێبەری ئێران سەبارەت بە ئەنجامدانی دانوستانەکان لە کەشێکی ئارامدا، بەبێ هەر جۆرە گەشبینی و ڕەشبینییەک، ڕاشیگەیاند: هیوادارم حەوتەی داهاتوو پاش دابنیشتنی یەکنیکی لە کەشێکی گونجاوتر بۆ داوەری و دڵخۆشی بۆ سەرگرتنی ڕێککەوتندا بین و لە ئێستادا هوشیارانە دەجوڵێینەوە.
Your Comment