بە ڕاپۆرتی ئاژانسی هەواڵی مێهر، مەسعوود پزشکیان و ڤلادیمیر پوتین، سەرۆک کۆماری ئێران و ڕووسیا لە پەراوێزی لوتکەی نێودەوڵەتی ئاشتی و متمانە لە ئەشقاباتی پایتەختی تورکمانستان کۆبوونەوە و سەبارەت بە پرسە دووقۆڵییەکان ڕاوێژیان کرد.
پزشکیان لە دیدارەکەی لەگەڵ پوتین وتی: پاڵپشتی ڕووسیا بۆ ئێران لە گۆڕەپانی نێودەوڵەتیدا بەرز دەنرخێنین، ئێمە بڕیارمان داوە ڕێککەوتنی هاوبەشی ستراتیژیی هەمەلایەنە لەگەڵ ڕووسیا جێبەجێ بکەین.
پووتین لە درێژەی قسەکانیدا وتی: پەیوەندییەکانی نێوان ئێران و ڕووسیا زۆر بە شێوەیەکی ئەرێنی پەرەدەسەنن. ڕووسیا و ئێران لە بوارەکانی گاز و کارەبادا دانوستان لەسەر هاوکارییەکانیان دەکەن، ڕووسیا و ئێران لە بوارەکانی جۆراوجۆردا هاوکاری دەکەن، لەوانە وێستگەی ئەتۆمی بووشێهر و پەرەپێدانی ژێرخانی ئابووری، لەوانەش ڕێڕەوی باکوور.
جەختیشی کردەوە: قەبارەی ئاڵوگۆڕە بازرگانییەکانی نێوان ئێران و ڕووسیا لە ساڵی ڕابردوودا بە ڕێژەی 13% زیادی کردووە و ئەمساڵیش 8%ی دیکە زیادی کردووە.
پوتین هەروەها وتی: مۆسکۆ لە نزیکەوە هاوکاری تاران دەکات لە نەتەوە یەکگرتووەکان سەبارەت بە بەرنامە ئەتۆمییەکەی ئێران.
Your Comment