بە ڕاپۆرتی ئاژانسی هەواڵی مێهر، ئەمریکا ڕۆژی چوارشەممە کۆماڵێکی گەورەی کونسوڵخانە لە شاری هەولێر، بە شێوەی فەرمی ڕوونوێنی کرد؛ پڕۆژەیەک کە وەکوو گەورەترین کونسوڵخانەی ئەمریکا لە جیهان دەناسرێت و نیشاندەری تۆکمە کردنەوەی ڕوانگەی دیپلۆماتیک و ستراتیژی واشنتۆن لە باکووری عێراقە.
هەواڵدەری ئاسۆشەیتێد پرێس و ڕۆژنامەی الشرق الاوسط ئاماژەیان دا کە ئەو کۆماڵە کە زەوینێک بە ڕووبەری 206 هەزار مەتری چوارگۆش لە ڕێگای هەولێر-شەقڵاوە و بە تێچووی زیاتر لە 796 ملیۆن دۆلار تەواو بووە و یەکێک لە گەورەترین پڕۆژە سیاسیەکانی ئەمریکا دێتە ئەژمار.
مایکل جی ڕیگاس، جێگری وەزیری دەرەوەی ئەمریکا لە کاروباری بەڕێوەبەرایەتی و سەرچاوەکان، لەگەڵ بەرپرسانی هەرێمی کوردستان، لە ڕێوڕەسمی کردنەوەکە ئامادە بوون.
ڕیگاس لە لێدوانێکدا، ئەو کونسوڵخانەیەی سیمبولی ڕوونی سەرمایەدانەری درێژخایەنی ئەمریکا لە عێراق و هەرێمی کوردستان وەسف کرد و وتی: ئەو دامەزراوە نوێیە، بەستێنێکی ئەمن بۆ بەرەوپێش بردنی بەرژەوەندییەکانی ئەمریکا خۆش دەکات و نیشاندەری هاوکاری نێوان عێراقێکی سەربەخۆ، ئەمن و گەشەکراو لەگەڵ ئەمریکایە؛ هاوکارییەک کە هەم سوود دەگەیێنێتە خەڵکی عێراق و هەم ئەمریکاش.
کردنەوەی ئەو کۆماڵە لە دۆخێکدا ئەنجام دەدرێت کە عێراق هێشتا بەرەوڕووی ئاڵۆزی ناوچەیی و هەڕەشەی ئەمنیەتیە. هەفتەی ڕابردوو هێرشێکی درۆنی کرایە سەر کێڵگەی کۆرمۆر و بووە هۆی کێشەی بەربڵاو لە بواری کارەبا.
هەرچەندە هیچ لایەنێک بەرپرسیارێتی ئەو ڕووداوەی نەگرتووەتە ئەستۆ، بەڵام ڕیگاس لە لێدوانەکەی خۆیدا بە شێوەیەک داویەتە پاڵ گرووپە چەکدارە عیراقییەکانەوە و داوای لە حکومەتی ناوەندی و بەرپرسانی هەرێم کردووە کە بۆ لاواز کردنەوە و هەڵوەشاندنەوەی ئەو گرووپانە هەوڵ بدەن.
نێچیرڤان بارزانی کردنەوەی ئەو کونسوڵخانەیەی پەیامی سیاسی ئاشکرا سەبارەت بە پێگە و گرینگایەتی هەولێر وەسف کرد و ڕایگەیاند ئەو کۆماڵە نوێیە، ئاستی هاوکاریە دیپلۆماتیک، ئابووری و ئەمنیەکانی نێوان ئەمریکا و هەرێم بەرز دەکاتەوە.
Your Comment