۱۶ ئه‌ندامی په‌که‌که‌ له‌ هێرشی ئاسمانی تورکیا کوژران

به‌ ڕاپۆرتی ئاژانسی هه‌واڵی مێهر له‌ ئانادۆڵۆ، به‌ هۆی هێرشه‌ ئاسمانییه‌کانی شه‌وی ڕابردووی سوپای تورکیاوه‌ له‌ هه‌کاری، زیاتر له‌ ۱۶ په‌که‌که‌یی کوژراون.

له‌ هه‌واڵی ده‌زگا ئه‌منییه‌کانی تورکیادا هاتووه‌ که‌ هێرشه‌کان وه‌ک کاردانه‌وه‌یه‌ک بووه‌ به‌ کرده‌وه‌کانی په‌که‌که‌ و ته‌قاندنه‌وه‌ی ئۆتۆمبێلێکی بۆمبڕێژ کراو له‌ نیزیکی باڵه‌خانه‌یه‌کی حکومی له‌ شاری وان له‌ ڕۆژی جه‌ژندا.

شیاوی ئاماژه‌یه‌ که‌ له‌ هه‌واڵه‌کاندا ده‌وترێت به‌ هۆی هێرشه‌کانی ڕۆژی ڕابردووی سوپای تورکیاوه‌ هه‌ر له‌و‌ ناوچه‌ زیاتر له‌ ۹ چه‌کداری په‌که‌که‌ کوژراون.

ئه‌مه‌ له‌ حاڵێکدایه‌ که‌ تا ئێستا بڕیارگه‌ی فه‌رمانده‌یی باڵی سه‌ربازی په‌که‌که‌(هه‌په‌گه) ئه‌م هه‌واڵانه‌ی پشتڕاست نه‌کردووه‌ته‌وه.