بە ڕاپۆرتی ئاژانسی هەواڵی مێهر کاوە عەزیزی لە ئەندامانی سەرەکی ئەنجومەنی نیشتمانی کوردەکانی سووریا بە ئاماژە بە دروشمی گەلان و دژایەتی پەکەکە لەگەڵ سەربەخۆیی کوردستان ، ڕایگەیاند کە دوای خەیانەتی عەرەبەکان بە کورد، چەمکی برایەتی گەلان چی دیکە واتایەکی نییە و بۆیە پەکەکە لە داهاتووی سووریا ناتوانێت ڕۆڵی هەبێت.
کاوە عەزیزی ڕایگەیاند: کێشەی سەرەکی ئێمە وەکوو کورد لە سووریا پەکەکەیە. دوای ڕووخانی دەسەڵاتی سووریا پەکەکە لە سووریا پێگەیەکی نییە. پاڵپشتانی پەکەکە لە سووریا لەناوچوون و ئەو پارتە پشتیوانی نەماوە. دروشمی برایەتی گەلان هی پەکەکەیە و بە ئامانجی لەناوبردنی پڕۆژەی ناسیۆناڵیزمی کوردی بووە.
عەزیزی هەروەها وتیشی: چاوەڕوانین پەیەدە خۆی بگۆڕێت، ئەگەر ئەو گۆڕانکارییە نەیێتە ئاراوە، ئەو پارتە مەترسیدار دەبێت. عەرەبەکان لەمەوبەدوای کوردستانی سووریا قبووڵ ناکەن کە خەڵک بە وێنە و ئایدۆلۆژیای ئۆجالان و پەکەکەوە چەکدار بن.
ناوبراو درێژەی دا: بۆیە مەرجی حکومەتی نوێی سووریا ئەوەیە کە جگە لە هێزی هاوپەیمانی سووریا و سیستەمی نوێی سیاسی، هیچ هێزێکی دیکە قبووڵ نەکرێت.
Your Comment