بە ڕاپۆرتی ئاژانسی هەواڵی مێهر لە ئەلمەعلوومە، هادی قەبیسی نووسەر و شرۆڤەکاری سیاسی لوبنانی بە وتنی ئەوەی کە بنکەکانی ئەمریکا لە سووریا دەبنە هۆی بووژانەوەی داعش و بەرەی ئەلنوسرە لە عێراق و سووریا، جەختی کرد: بنکە سەربازییەکانی ئەمریکا لە سووریا نایاساییە و ئەو بنکانە چەک دەخەنە بەردەستی گرووپە تیرۆریستییەکانەوە.
ناوبراو زیادی کرد: ئەمریاک دەیەوێت پابەندی بەڵێنەکانی خۆی هەمبەر تیرۆریستەکان بەتایبەتی لە بنکەی سەربازی ئەلتنف بێت، هەر بەو شێوەیە کە پاڵپشتی لە هێزەکانی هەسەدە دەکات.
ئەو شرۆڤەکارە لوبنانییە وتیشی: زیندانەکانی ئەمریکا کە هێزەکانی هەسەدە بەڕێوەی دەبەن، پڕن لە هەزاران تیرۆریستی داعشی و نوسرە کە خەریکی خۆ ئامادە کردن بۆ ئەنجامی هەوڵی تیرۆریستی لە سووریا و عێراقن.
Your Comment