هەولێر ڕەتیکردەوە پەیوەندی بە داگیرکردنی کێڵگە نەوتییەکانی کەرکوکەوە بێت

بە پێی ڕاپۆرتی ئاژانسی هەواڵی مێهر، له‌ڕونكردنه‌وه‌یه‌كدا د.جوتیار عادل وته‌بێژى حكومه‌تى هه‌رێم ڕایگه‌یاند کە حکومەتی هەرێمی کوردستان، هەموو ئەو هەواڵ و دەنگۆیانە ڕەت دەکاتەوە کە گوایە حکومەتی هەرێم بە پشتیوانی هێزی چەکداری، دەستی بە سەر چەند کێڵگەیەکی نەوتی بای حەسەن و داودگورگەی سەر بەکۆمپانیای نەوتی باکوور لە کەرکووکدا گرتووە و داگیری کردوون.

ئه‌وه‌ش خراوه‌ته‌ڕوو، بە پێی دەستووری عێراق، سامانی گشتی هی هەموو خەڵکی عێراقە و هی کۆمپانیایەک نییە. کۆمپانیای نەوتی باکوور چەندین ساڵە بەبێ هەبوونی یاسای نەوت و گاز، کار دەکات و دەستوور پێشێل دەکات. ئەگەر كۆمپانیای نەوتی باکوور، لە خەمی چارەسەکردنی کێشەکانە، با یاسای نەوت و گاز بە پێی دەستور تەشریع بکرێت.

هه‌ر له‌ ڕونكردنه‌وه‌كه‌دا هاتوه‌، بۆیە ئەو هەڵمەتەی دژی هەرێم دەستیان پێکردووە هۆکارەکەی سیاسییە و هیچ بنەمایەکی یاسایی نیە و ئەو تۆمەتانەی دژی هەرێم بڵاوی دەکەنەوە، دوورن لە ڕاستییەوە و تەنیا بۆ دروستکردنی ئاژاوە و دژی مافەکانی خەڵکی کوردستانە.

وه‌ڵامى حكومه‌تى هه‌رێم بۆ كۆمپانیاى نه‌وتى باكور دواى ئه‌وه‌دێت كۆمپانیاكه‌ ڕایگه‌یاند حكومه‌تى هه‌رێم ده‌ستى به‌سه‌ر ژماره‌یه‌ك كێڵگه‌ى سنورى كۆمپانیاكه‌یان گرتوه‌و سكاڵاى له‌سه‌ر تۆمار ده‌كه‌ن.