توانایی مووشەکی و هاویشتنی هاوکات لە هێزی هەوافەزای ئێران چەند ئەوەندە بۆتەوە

فەرماندەی هێزی هەوافەزای سوپا وتی: توانایی ئاگری مووشەکی و هاویشتنی هاوکات، شەش ئەوەندە بۆتەوە و کاتی ئامادەیی و مەودای هاویشتنیش دابەزیوە.

بە پێی راپۆرتی ئاژانسی هەواڵی مێهر، سەردار ئەمیر حاجی زادە فەرماندەی هێزی هەوافەزای سوپا وتی: ئێمە فەرمانی رێبەری مەزن لە سەر بەهێزبوونەوەی هێزەکانمان بە جیدی وەرگرت و بە هەوڵ و تێکۆشانی خۆمان توانیمان لەم بابەتە گرینگەدا سەرکەوین.

ئەو وتیشی: ئێستا لەم بنکەی سوپادا دەتوانین ٦٠ فڕۆکەی بێ فڕۆکەوان بفڕێنین و دەتوانین هەر ئامانجێک بە ئاسانی بپێکین.

فەرماندەی هێزی هەوافەزای سوپا وێڕای داکۆکی لە سەر ئەوەی کە دەسەڵاتی ئێمە زۆر گەشەی کردووە، وتی: توانایی ئاگری مووشەکی و هاویشتنی هاوکات، شەش ئەوەندە بۆتەوە و کاتی ئامادەیی و مەودای هاویشتنیش دابەزیوە.

سەردار حاجی زادە باس کردنی دوژمن لە توانایی سوپای نیشاندەری بەرزبوونەوەی دەسەڵاتی ئێران زانی و وتی: کە دوژمن باسی دەسەڵاتی مووشەکی ئێمە دەکات، ئەمە بە واتای بەهێزبوونەوەی ئێمەیە.

News Code 41234

نیشانەکان

بۆچوونی ئێوە

You are replying to: .
  • captcha