ئاژانس تا ئێستا هیچ لادانێکی لە بەرنامەی ناڤۆکی ئێران نەبینیوە

کۆنگرەی ڕۆژنامەڤانی هاوبەشی ڕافائێل گرۆسی بەرپرسی گشتی ئاژانسی نێودەوڵەتی وزەی ناڤۆکی و محەمەد ئیسلامی سەرۆکی ڕێکخراوی وزەی ناڤۆکی ئێران دەستی پێکرد.

بە ڕاپۆرتی ئاژانسی هەواڵی مێهر، کۆنگرەی ڕۆژنامەڤانی هاوبەشی ڕافائێل گرۆسی بەرپرسی گشتی ئاژانسی نێودەوڵەتی وزەی ناڤۆکی و محەمەد ئیسلامی سەرۆکی ڕێکخراوی وزەی ناڤۆکی ئێران سەرلەبەیانی ئەمڕۆ سێشەممە دوای گفتوگۆی دوولایەنە لە پشت دەرکە داخراوەکان، دەستی پێکرد.

بەرپرسی گشتی ئاژانسی نێودەوڵەتی وزەی ناڤۆکی دوانیوەڕۆی دوێنێ دووشەممە گەییشتە تاران و سەرلەبەیانی ئەمڕۆ لەگەڵ محەمەد ئیسلامی لە شوێنی ڕێکخراوی وزەی ناڤۆکی دیدار و گفتوگۆی کرد.

بڕیارە گرۆسی دوانیوەڕۆی ئەمڕۆ لەگەڵ حسێن ئەمیر عەبدوڵڵاهیان وەزیری دەرەوەی ئێران دیدار و گفتوگۆ بکات.

محەمەد ئیسلامی لە ئەو کۆنگرەدا وتی: خاڵی گرینگ ئەوەیە کە سەرجەم پرسەکانی نێوان دوو لایەن ئێران و ئاژانس، پرسی تەکنیکیە و پرسی سیاسی و دزەی دوژمنانەی دوژمنانی ئێران لە بەرانبەر بەرەوپێش بردنی بەرنامەی ناڤۆکی ئێرانیان هەبوو، ئاژانس لەبەرچاوی ناگرێت و کاریگەر نابێت.

ئیسلامی درێژەی دا: بەڕێز گرۆسی ئەمڕۆ چەندین جار لە گفتوگۆکانیدا وتیان کە هیچ لادانێک لە بەرنامەی ناڤۆکی ئێران نەبینراوە و بە پێی ڕێککەوتنەکە، چالاکییە ناڤۆکییەکانی ئێران خەریکە بەڕێوە دەچێت و ئێرانبە پێی یاسا و ڕێسا ناڤۆکییەکان هەڵسوکەوت دەکات.

ئیسلامی وتیشی: سەبارەت بە پرسیارگەلێک لەسەر ئاژانس، ئەو بەڵگانەی کە وەکوو بەڵگە لەلایەن دوژمنانەوە خراوەتە بەردەست ئاژانس، وڵام درایەوە. دۆسیەی هەندێک لە ئەو بەڵگانە داخرا و هەندێکیشیان کە ماون ڕێککەوتنین کە کۆتاییان پێ بهێنین.

گرۆسیش وتی : ئێمە ڕێککەوتین کە کاری هاوبەش لە بواری ڕوونکاری درێژە بدەین.

ناوبراو درێژەی دا: ئێمە هەوڵ دەدەین بتوانین لە کۆبوونەوەی ئەمڕۆ ئەنجامی ئەرێنی وەربگرین.

News Code 40070

نیشانەکان

بۆچوونی ئێوە

You are replying to: .
  • 2 + 1 =