بە پێی ڕاپۆرتی ئاژانسی هەواڵی مێهر، له‌ڕاگه‌یه‌نراوێكى هێزه‌كانى پاراستنى گه‌ل (هه‌په‌گه)دا هاتووه: "جارێکی دیکە هاوکاریی هێزەکانی پارتى لەگەڵ سوپای تورکیا بۆ هێرشکردنەسەر پەکەکە ئاشكرابوو".
ئه‌وه‌ش ڕونكراوه‌ته‌وه، "كاتژمێر 10ى سه‌رله‌به‌یانى ڕۆژی 26ى ئەم مانگە، فڕۆکەی سیخوڕیی هێزەکانی پارتى بەسەر مەیدانی (سنین) له‌هەرێمی (خواکوڕک)دا سوڕایەوە، دواتریش ئەو مەیدانە لەلایەن فڕۆکە جەنگییەکانی سوپای تورکیاوە سێجار بۆردومانکرا".
ئه‌وه‌ش باسكراوه کە پێشتریش هێزه‌كانى پارتى دیموكراتى كوردستان، لەگەمارۆدانی مەیدانەکانی پەکەکە هاوکاریی سوپای تورکیایان کردوەو لەهەندێک شوێنێش ڕێگەیان بۆ داگیرکاریی ئەو هێزانە پاککردوەتەوە، هەروەها چەندجاریش بەشێوەی ڕاستەوخۆ هێرشیانکردوەتەسەر هێزەکانی پەکەکە و چەندین کەسیان کوشتووە.
هێزه‌كانى پاراستنى گه‌ل (هه‌په‌گه ـ باڵى چه‌كداریی په‌كه‌كه) ئاشكرایده‌كات، فڕۆكه‌ى بێ فڕۆكه‌وان (درۆن)ى پارتى دیموكراتى كوردستان چاودێرى ناوچه‌یه‌كى كردووه كه په‌كه‌كه‌ى لێیه‌و دواتریش توركیا گه‌یشتۆته ئاسمانى ئه‌و ناوچه‌یه‌و بۆردومانێكى چڕى كردوه.
News Code 39341
بۆچوونی ئێوە