بڕیاری تیرۆر کردن لە هەرێمی کوردستان لە ئاستی باڵای پەکەکە دراوە

بە پێی ڕاپۆرتی ئاژانسی هەواڵی مێهر، ئه‌نجومه‌نی ئاسایشی ھه‌رێمی كوردستان رایگه‌یاند، له‌سه‌ر زاری ئینان ئه‌حمه‌د میرزا چه‌لیك ناسراو به‌ "ئۆزگور ژیاندا"وه‌ چه‌ند پیلانێكی شه‌ڕخوازی و تیرۆری په‌كه‌كه‌ دژ به‌ هێزه‌كانی ناوخۆ و پێشمه‌رگه‌ی هه‌رێمی كوردستان بڵاوده‌كه‌نه‌وه‌ كه‌ یه‌كێك له‌وانه‌، تیرۆركردنی غازی ساڵح ئالیخان به‌رپرسی ئاسایشی سه‌رزێرێ و روداوه‌كانی شه‌هیدكردنی پێنج پێشمه‌رگه‌ له‌چیای مه‌تین ئاشكراده‌كات.

ئۆزگور ژیاندا له‌تۆماره‌ ڤیدیۆییه‌كه‌دا ده‌ڵێت، "ئه‌و شه‌ڕه‌ی له‌چیاكانی هه‌رێمی كوردستان روده‌دات، هۆكاری هێرشه‌كانی توركیا بۆ ناوچه‌ سنوریه‌كان په‌كه‌كه‌یه‌، په‌كه‌كه‌ خه‌ڵكی نیشتمانپه‌روه‌ر و وڵاتپارێزی ناوچه‌ سنوریه‌كان به‌سیخوڕ له‌قه‌ڵه‌م ده‌دات و سزایان ده‌دات، یه‌كێك له‌وانه‌ش غازی ساڵح ئالیخان بو، كه‌ له‌سه‌ر ماڵ نیشتمانی خۆی بو تیرۆری كرد، ئه‌و بڕیاره‌ش له‌ئاستی باڵای په‌كه‌كه‌ درابو كه‌ تیرۆر بكرێت".