کوژرانی ئەندامێکی هەدەپە لە هێرشی چەکدارانە لە ئێزمیر

لە هێرشی چەکدارانە بە نووسینگەی هەدەپە لە ئێزمیر، دێنیز پویراز ئەندامێکی لاوی ئەم حیزبە کوژرا.

بە پێی هەواڵی مێهر، لە هێرشی چەکدارێک بۆ بینای حیزبی دیموکراتیکی گەل (هەدەپە) لە شاری ئێزمیر ئەندامێکی ئەم حیزبە بەناوی دێنیز پویراز کوژرا.

ئەمڕۆ کەسێکی چەکدار هێرشی کردە سەر بینای حیزب و سەرەتا دێنیز پویراز ئەندامی لاوی ئەم حیزبەی بە بارمتە گرت و پاشان بە هاویشتنی گولەیەک کوشتی و کاتێ ویستی ئاگر لە نووسینگەی حیزب بەربدات لە لایەن پۆلیسەوە قۆڵبەست کرا.

پاشان خەڵک و لایەنگرانی هەدەپە لە دەوری بیناکە کۆ بوونەوە و تووڕەیی خۆیان سەبارەت بەم کردەوە دەربڕی.

قایمامی ئێزمیر لە بڵاوکراوەیەکدا ڕایگەیاند: لێکۆڵینەوە سەبارەت بەم رووداوە لە حاڵی ئەنجام دایە.

هەدەپەش ڕایگەیاندووە: ئەو کەسەی نووسینگەی ئێمەی کردۆتە ئامانج و فەرمانی ئەوەی داوە، حکوومەتێکە کە حیزب و هەموو نووسینگەکانی پارێزگاکانی ئێمەی کردۆتە ئامانج و وەزارەتی ناوخۆی وڵاتێک ئەوانە بەڕێوە دەبات.

شیاوی ئاماژەیە ڕۆژی پێشووش چەند کەس بە کۆ بوونەوە لە بەندیخانەی سینجان لە ئەنقەرە، هێرشیان کردە سەر ئەندامانی هەدەپە و مانگی پێشووش هێرش کرایە سەر نووسینگەی ناوەندی حیزب لە ئەنقەرە.

News Code 37812

نیشانەکان

بۆچوونی ئێوە

You are replying to: .
  • 3 + 9 =