بە پێی هەواڵی مێهر، عەلی مەفاخری لەم بارەوە وتی: سێزدەهەمین خولی هەڵبژاردنی سەرۆک کۆمار و شەشەمین خولی هەڵبژاردنەکانی شۆرای شار و گوندەکانی کوردستان لە لایەن 200 هەواڵنێر و وێنەگری کوردستانییەوە ڕووماڵ دەکرێت.
ئەو وتیشی: ئەم کەسانە زۆرتر لە هەواڵنێران و وێنەگرانی هەواڵدەرییەکان و ماڵپەڕە هەواڵدەرییەکانی پارێزگان و هەموو پێداویستییەکان بۆ بەڕێوەچوونی بێ کێشە و گرفتی کاری هەواڵنێران دابین کراوە.
ناوبراو داوای لە خەڵکی کوردستان کرد وەکوو ساڵانی پێشوو لەم ڕووداوە گرینگە بەشداری بکەن و ئەرکی خۆیان بۆ دیاری کردنی چارەنووسی وڵاتەکەیان جێنبەجێ بکەن.
شیاوی ئاماژەیە بۆ بەڕێوەچوونی هەڵبژاردنەکان لە کوردستان هەزار و 419 شوێنی دەنگ دان دیاری کراوە کە 584 شوێن لە شارەکان و 835 شوێنیش لە گوندەکانی پارێزگایە.
Your Comment