بە ڕاپۆرتی ئاژانسی هەواڵی مێهر، سەرۆکی ئیدارەی میراتی فەرهەنگی و گەشتیاری سەقز ڕایگەیاند: ئەو گۆڕە کۆنە لە ساڵی 1398 و لە کاتی ئامادە کرانی دامەزراوەکانی هاوپەیوەند بە تەعاونی مەسکەنی جەهادی کشتوکاڵی بە بێ بەرنامەڕێزی پێشتر دۆزرایەوە.
ناوبراو بە وتنی ئەوەی کە لێکدانەوەی سەرەتایی دەیتا فەرهەنگییەکانی ناو گۆڕەکان و بەتایبەتی داتا گڵێنەکان تا ڕادەیەک مێژووی گپڕستانەکەی دیاری کرد، وتی: ئەنجامە سەرەتاییەکانی لیکۆڵینەوەکە نیشانی دا ئەو گۆڕشتانە هی هۆزە کۆچەرەکانە کە لە ناوچە قەوقاز و لە دوو هەزار ساڵ پێش زایینی مەسێح و لە سەردەمی مەفرەغ بەرەو فەلاتی ئێران کۆچیان کردووە.
بە پێی زانیارییەکان لە ئەو سەردەمەدا شوێنی ناشتنی مردووەکان و ژیانی زیندووەکان یەک شوێن بووە.
لە ئەو گۆڕستانەدا بە سێ شێوەی مردووەکانیان ناشتووە: یەک بە شێوەیەک کە مردووەکە بە شێوەی کێشراو و بە ڕاستا لە خاک سپێردراوە و بە بەردی گەورە چاڵەکەیان داپۆشیوە.
شێوەی دووهەم هەر چاڵەکان سادە بووە وبە بێ بەکارهێنانی بەرد مردووەکەیان ناشتووە و و خاکیانبەسەردا کردووە و دواتر بە قوڕ بانیان داوە.
شێوەی سێهەمیش لە ڕاستیدا جێبەجێ کردنی ئێسک و پڕووسکی مردووەکان بووە بە شێوەیەک کە ئەگەر لە شوێنێکی دیکەدا نێژرابووە دوای کۆچ کردنیان بۆ ئەو ناوچە، ئێسک و پڕووسکی مردووەکانیشیان هێناوە و دووبارە لەوێ ناشتوویانن.
Your Comment