پشت بەستنی کوردانی سووریا بە ئەمریکا مەترسییەکی گەورەیە

بە پێی هەواڵی مێهر بە گوێرەی فارین پالیسی، ڕابێرت فۆرد باڵوێزی پێشووی ئەمریکا لە سووریا لە کۆنفڕانسێکدا ئاماژەی بۆ بەشداری سەربازانی ئەمریکا لە ناوچەی ژێردەسەڵاتی کوردانی سووریا کرد و هۆشداری دا بوونی ئەمریکا لە سووریا ستراتیژیک نییە و ئەم بەشدارییە هەموو حەوتەیەک درێژ دەکرێتەوە.
فۆرد داکۆکی کردووە: ئەمریکییەکان تا کاتێ لە ناوچەی ژێر دەسەڵاتی کوردان دەمێننەوە کە زیان نەبینن بۆیە پشت بەستنی کوردانی سووریا بە ئەمریکا مەترسییەکی گەورە دێتە ئەژمار.
ئەو سەبارەت بە داهاتووی عەفرینیش وتی: ئەگەرەکان لە ڕێگای هاوکاری دیمەشق و ئەنقەرەوە و بە بەشداری سووریا دەگاتە ئەنجام. ڕەنگە ئەنقەرە ماوەیەکی درێژ بەشداری خۆی لە باکووری سووریا درێژ بکاتەوە.
فۆرد هەروەها ڕاشیگەیاند: دۆخی کوردانی سووریا کە بەشێک لە خاکی ئەو وڵاتەیان لە ژێر دەسەڵات دایە، ساڵەهای ساڵ بەو شێوە درێژەی دەبێت.
ناوبراو پێشتریش وتبووی: ئەزموونی بەشداری 20 ساڵی پێشووی ئەمریکا لە عێراق، سووریا و لیبی سەلماندی کە ئەمریکا لە ئاستێکدا نییە کە سنووری سیاسی دیاری بکات.