وەزیری ناوخۆی تورکیا لەبارەی ئەشکەنجەی دوو کۆڵبەری ئێرانی وڵامدەر بێت

تەیب تەمەل نوێنەری هەدەپە داوای لە وەزیری ناوخۆی تورکیا کرد سەبارەت بە ئەشکەنجەی کۆڵبەرە ئێرانییەکان وڵام بداتەوە.

بە پێی هەواڵی مێهر، تەیب تەمەل سەبارەت بە ئەشکەنجەی کۆڵبەرە ئێرانییەکان پرسیارێکی لە وەزیری ناوخۆ کرد و خوازیاری وڵام دانەوە سەبارەت بەم ڕووداوەیە.

تەیب تەمەل نوێنەری وان ئەم پرسیارەی لە وەزیری ناوخۆ کرد: "ئایا ئەشکەنجەی کۆڵبەرە ئێرانییەکان ڕاستە؟ گەر ڕاست نییە بکەرەکانی ئەم ڕووداوە کێن؟ ئایا ڕەوتی دەستبەسەر کردن و لێپرسینەوەی بکەران دەستی پێ کردووە؟"

سولەیمان سویلۆ وەزیری ناوخۆی تورکیا تا ئێستا هیچ کاردانەوەیەکی بەم پرسیارە نەبووە.

لەم ڕووداوەدا دوو کۆڵبەری کوردی ئێرانی لە ناوچەی چاڵدران دەستبەسەر کران و بە پێی هەواڵەکان بە توندی ئەشکەنجە کراون کە یەکێکیان لە ژێر ئەشکەنجەدا گیانی خۆی لە دەست داوە.

News Code 36991

نیشانەکان

بۆچوونی ئێوە

You are replying to: .
  • 9 + 7 =