بە پێی هەواڵی مێهر، حەسەن ڕۆحانی لە بەرچاو نەگرتنی خاڵە تەندروستییەکانی هۆکاری زۆر بوونەوەی ژمارەی تووشبووانی کۆرۆنا زانی و وتی: باشترین و کاریگەرترین ڕێگای بەرەنگار بوونەوە لە گەڵ کۆرۆنا، پاراستن و ڕەچاو کردنی خاڵە تەندروستییەکان، بەرگری لە کۆبوونەوە و میوانییە و هەموو خەڵک دەبێ ئەم خاڵانە لە بەرچاو بگرن.
لە دانیشتنی بنکەی بەرەنگار بوونەوە لە گەڵ کۆرۆنا داکۆکی کرایە سەر چاودێری ورد لە سەر چۆنیەتی جێبەجێ کردنی خاڵە تەندروستییەکان و هەروەها بڕیارە گەر کەسێک ئەو خاڵانەی لە بەرچاو نەگرت، سزا بدرێت.
هەروەها پێشنیار کرا وەزارەتی ڕێگا و بان بە هاوکاری لە گەڵ مانگی سوور، بە زۆرکردنەوەی دەفرایەتی هێزەکان و جیهازات، هاتوچۆ لە سنوورەکانەوە کۆنترۆل بکرێت و ئیزنی پێشێل کردنی خاڵە تەندروستییەکان نەدرێت.
بە پێی بڕیاری ئەم بنکەیە، لە ڕۆژی شەمەوە لە هەموو ئەو شارانەی لە دۆخی سوور دان، 10 ڕۆژ سنووردار کردنەوە جێبەجێ دەکرێت و دیکەی شارەکانیش پێویستە پرۆتۆکۆلەکان لە بەرچاو بگرن.
Your Comment