بەڕێوەچوونی پرۆتۆکۆلی پاشکۆ ڕاگیرا/هاوکاری لەگەڵ ئاژانس لە ئاستی پادمانە

وەزیری دەرەوەی ئێران بە وتنی ئەوەی کە پەسەند کراوی مەجلیس بۆ ڕاگیرانی بەڕێوەچوونی پرۆتۆکۆلی پاشکۆ سەرلەبەیانی ئەمڕۆ ڕاگیرا، وتی: پەسەند کراوی ئەم دواییەی مەجلیس ئیزنی هاوکاری لەگەل ئاژانس زیاتر لە پادمان ناداتە ئێمە.

بە ڕاپۆرتی ئاژانسی هەواڵی مێهر، محەمەد جەواد زەریف وەزیری دەرەوەی ئێران سەرلەبەیانی ئەمڕۆ سێشەممە سەبارەت بە بەڕێوە بردنی پەسەند کراوی مەجلیسی شوورای ئیسلامی سەبارەت بە ڕاگیرانی بەڕێوەبردنی پرۆتۆکۆلی پاشکۆ، وتی: لە سەرلەبەیانی ئەمڕۆوە ئەو یاسایە بەڕێوە چووە.

ناوبراو درێژەی دا: ئێمە لە 27 ڕێبەندانەوە بە شێوەی فەرمی بە ئاژانسی نێودەوڵەتی وزەی ناڤۆکیمان ڕاگەیاند کە لە سەرلەبەیانی 5 ی ڕەشەممەوە یاسای مەجلیس لە ئەو بارەوە بەڕێوە دەچێت و هەر بۆیە بەڕێوە چوونی ئەو یاسایە لە سەرلەبەیانی ئەمڕۆوە دەستی پێکردووە.

زەریف جەختی کرد: پادمان، بەڵێنی ئێرانە و پەسەندکراوی ئەم دواییەی مەجلیسیش ئیزنی هاوکاری زیاتر لە ئەو ئاستە ناداتە ئێمە و ئەوە بەو مانەیەیە کە هاوکاری ئێمە لەگەڵ ئاژانس درێژەی هەیە.

News Code 36159

نیشانەکان

بۆچوونی ئێوە

You are replying to: .
  • 2 + 3 =