بە ڕاپۆرتی ئاژانسی هەواڵی مێهر، فەرید حەق پەنا سەبارەت بە داخرانی ڕێڕەوە سنوورییەکانی ئێران و عێراق بەهۆی بڵاو بوونەوەی شێوەی نوێی کۆرۆنا لە لایەن لایەنی عێراقییەوە ڕایگەیاند: تا ئێستا هاتوچۆی موسافر لە سنووری نێودەوڵەتی باشماخەوە هەر درێژەی هەیە و هیچ کێشەیەک لە ئەو پێوەندییەدا بوونی نییە.
ناوبراو زیادی کرد: لە هەندێک مێدیا و تۆڕە کۆمەڵایەتییەکان هەواڵگەلێک لەسەر داخرانی سنوورە زەوینییەکانی عێراق و ئێران بڵاو کرایەوە کە هێشتا بە شێوەی فەرمی ئاوەها بابەتێک لەلایەن لایەنی عێراقییەوە ڕانەگەیێندراوە.
حەق پەنا وتیشی: لە ڕاگەیێندراوی دواتردا دۆخی هاتوچۆی موسافر لە سنووری باشماخەوە، بڵاو دەکرێتەوە.
Your Comment