لە کاتی خۆیدا تۆڵە لە بکوژەکانی شەهید سولەیمانی دەکەینەوە

ڕێبەری باڵای شۆڕشی ئیسلامی ئێران وتیان: ڕێوڕەسمی گەورەی بەڕێکرانی تەرمی شەهید قاسم سولەیمانی و شەهید ئەلموهەندیس یەکەم زلـلەی توند لە ئەمریکاییەکان بوو.

بە پێی ڕاپۆرتی ئاژانسی هەواڵی مێهر، ئایەتوڵڵا خامنەیی ڕێبەری باڵای شۆڕشی ئیسلامی ئێران بەیانی ئەمڕۆ چوارشەمە لە دیدار لە گەڵ ئەندامانی لیژنەی یادەوەری ساڵوەگەڕی شەهید سەردار سولەیمانی رایانگەیاند: سەردار سولەیمانی قارەمانی گەلی ئێران و قارەمانی ئوممەتی ئیسلامە.

جەختیشیان کرد کە یەکەم زلـلەی توند لە ئەمریکا رێوڕەسمی ملیۆنیی ئەسپاردەکردن و بەرێکرانی تەرمی شەهیدان بوو لە ئێران و عێراق بەڵام زلـلەی توندتر زاڵ بوونی نەرم ئامێری لە سەر هەیمەنە و هەژموونیی پووچی چەوسێنەریی و دەرکردنی ئەمریکا لە ناوچەکەیە، هەڵبەت فەرماندەران و بکوژەکانی سەردار سولەیمانی دەبێ تۆڵەیان لێبکرێتەوە و لە کاتی خۆیدا، بێ گومان  ئەم تۆڵەیە دەکەینەوە.

ڕێبەری بە ئاماژە بەوەی کە شەهید سولەیمانی هەم لە کاتی ژیاندا و هەم بە شەهادەتی خۆی ئیستکباری شکست دا، زیادیان کرد: سەرۆک کۆماری ئەمریکا وتی: 7 ترلیۆن دۆلارمان لە ناوچەکە خەرج کرد بەڵام هیچمان وەدەست نەهێنا و لە کۆتاییدا ناچار بووین لە ترایکیی شەودا بڕۆینە بنکەیەکی سەربازی. هەموو جیهان دەزانن کە ئەمریکا نەگەیشتە ئامانجەکانی خۆی لە سووریا و عێراق.

دوایین ڕاسپاردەیی ئایەتوڵڵا خامنەیی سەبارەت بە پووچەڵ کردنەوەی گەمارۆکا بوو و وتیان لەبری ئەوەی فوکووسمان لە سەر نەهێشتنی گەمارۆکان بێت، دەبێ هەموو هەوڵێک بدەین لە ناوخۆدا گەمارۆکان پووچەڵ کەینەوە.

News Code 35232

نیشانەکان

بۆچوونی ئێوە

You are replying to: .
  • 9 + 5 =