چەندین بینای حوکمی و حزبی لە شارەکانی هەرێمی کوردستان سووتێندران

لە درێژەی ناڕەزایەتییەکانی چەند ڕۆژی ڕابردووی هەرێمی کوردستان , خۆپیشاندەران لە هەندێ شاری هەرێمی کوردستان ڕژانەوە سەرشەقام.

بە پێی ڕاپۆرتی  ئاژانسی هەواڵی مێهر, خۆپیشاندانی ناڕه‌زایی له‌ چه‌ند ناوچه‌یه‌كی پارێزگای سلێمانی ده‌ستیپێكرده‌وه‌ و خۆپیشانده‌ران چه‌ند بینایه‌كی حكومه‌تیان سوتاند.

بینای پەروەردەی شارەزوور سووتێندرا
 پاشنیوه‌ڕۆی ئه‌مڕۆ سێشەمە لە شارەزور خۆپیشاندان دەستیپێکرد و خۆپیشانده‌ران بینای پەروەردەی شارەکەیان سووتاند.

 له‌ خورماڵیش خۆپیشانده‌ران بینای به‌ڕێوه‌به‌رایه‌تی هاتوچۆیان سووتاند، بۆ دوەمجار هەریەکە لە بنکەی پۆلیس و قائیمقامیەتی سەیدسادق لەلایەن خۆپیشاندەرانەوە سووتێنران.

هاوكات خۆپیشاندان له‌ هه‌ریه‌كه‌ له‌ ناوچه‌كانی تەکیەی کاکەمەندی سەربە قەزای چەمچەماڵ كفری و پێنجوێن و ناحیه‌ی سه‌رقه‌ڵا ده‌ستیپێكرد.

خۆپیشاندان لە ڕانیە و تەکیە و حاجیاوا

کەمێک پێش ئێستا خۆپیشاندانی هاوڵاتیان و چین و توێژەکانی قەزای رانیە و دوکان و ناحیەی تەکیە و حاجیاوا دەستیپێکردەوە .

هاوڵاتیان داوای باشکردنی دۆخی دارایی هەرێم، رەخساندنی هەلی کار، پڕۆژەی خزمەتگوزاری و دابەشکردنی موچە لەکاتی خۆیدا دەکەن، بەهۆی دروستبونی گرژیش کەسێک لەرانیە برینداربوو.

بارەگای یه‌كێتی و كۆمه‌ڵ و یه‌كگرتوو لە خورماڵ سووتا

گرژی و ئاڵۆزیه‌كانی خۆپشاندانه‌كه‌ی ناحیه‌ی خورماڵ به‌رده‌وامه‌، خۆپیشانده‌ران هێرشیانكرده‌ سه‌ر باره‌گای ناوچه‌ی پارتی و ته‌واوی باره‌گاكه‌یان سوتاند و به‌شێك له‌ خۆپیشانده‌رانیش به‌هۆی ئاگره‌كه‌وه‌، له‌نهۆمی سه‌ره‌وه‌ی باڵه‌خانه‌كه‌ گیریانخواردوه‌ و تیمه‌كان له‌هه‌وڵدان بۆ رزگاركردنیان.

هه‌ر به‌گوێره‌ی زانیارییه‌كانی خەندان,  پاش سوتاندنی باره‌گای ناوچه‌ی پارتی، هێرشیانكرده‌ سه‌ر باره‌گای كۆمیته‌ی یه‌كێتی و كۆمه‌ڵ و یه‌كگرتوی ئیسلامی و سوتاندیان، هه‌روه‌ها به‌ڕێوه‌به‌رایه‌تی ناحیه‌ی خورماڵ و قوتابخانه‌ی عه‌بدولای كوڕی عومه‌ریشیان سوتاند.

هێزه‌ ئه‌منیه‌كانیش له‌هه‌وڵدان بۆ كۆنترۆڵكردنی دۆخه‌كه‌ و ئاساییكردنه‌وه‌ی ئه‌وگرژی و ئاڵۆزیانه‌ی دروستبون.

News Code 35115

نیشانەکان

بۆچوونی ئێوە

You are replying to: .
  • 1 + 2 =