بە ڕاپۆرتی ئاژانسی هەواڵی مێهر، ئەمیر سەرتیپ حاتەمی وەزیەی بەرگری و پشتیوانی هێزە چەکدارەکان لە دیدار لەگەڵ جومعە عەناد سەعدوون وەزیری بەرگری کۆماری عێراق بە بەرز ڕاگرتنی یاد و بیرەوەری شەهیدانی بەرەی بەرخۆدان بەتایبەتی شەهیدان قاسم سولەیمانی و شەهید ئەبوو مەهدی مەهەندیس وتی: ئەو دوو فەرماندە مافی گەورەیان لە گەردنی نەتەوەکانی ئێران و عێراق و ناوچەکە و مرۆڤایەتیەوە هەیە.
ئەمیر حاتەمی بە وتنی ئەوەی کە ئەمڕۆ عێراق ئاسایشی باشتری لەچاو ڕابردوو هەیە، وتی: لە ڕەوتی سیاسی و سەقامگیری و ئاسایشی عێراق و یەکپارچەیی خاکی براکانمان بەردەوام پاڵپشتی دەکەین.
وەزیری بەرگەی کۆماری ئیسلامی وتی: نائەمنی و ناسەقامگیری لە ناوچەکە تایبەتی ساڵان و دەیەکانی ڕابردوو نەبووە، بەڵکوو ئەو دۆخە بەداخەوە لە سەدەکانی ڕابردوو هەر بووە و بە هۆی دەستێوەردانی بیانیەکان و زلهێزەکان بووە و ئەمڕۆکە دۆخی زۆر هەستیار و دژوار تێدەپەڕێنێت.
ناوبراو وتی: هەڵسوکەوتی زلهێزەکان و لە سەروویانەوە شەیتانی گەورە، ئەمریکا نیشانی دا گەڵاڵەی درێژخایەنی بۆ نائەمن کردنی ناوچەکە داڕشتووە.
Your Comment