هەموو دەبێ ئامادەی بەرگری و هێرشی بەرانبەر بۆ بەرەنگاریی پیلانی دوژمن بین

ڕێبەری باڵای شۆڕشی ئیسلامی ئێران وتیان: لە بەرانبەر پیلانی دوژمن بۆ زەبردان لە بنەماکانی وڵات، هەموو دەبێ ئامادەی بەرگریی هۆشیار و هێرشی بەرانبەر بین.

 بە ڕاپۆرتی ئاژانسی هەواڵی مێهر، ئایەتوڵڵا خامنەیی، ڕێبەری باڵای ئێران ئەمڕۆ یەکشەمە لە سەرەتای وانە وتنەوەکەیان بۆ تەلەبەکانی وانە ئایینەکان لە تاران، جەختیان کرد: سەرەڕای پڕوپاگەندەی خراپ و زۆری دامودەزگا بیانییەکان بۆ ئەوەی خەڵک بەشداری هەڵبژاردن نەبێت، بەڵام خەڵک بەشدار بوون و سپاسی ئەو ئامادە بوونەیان دەکەین.

ڕێبەری وتیان: ئەم پڕوپاگەندە نەرێنیانەی دوژمن لە دوو مانگ لەمەوپێشەوە دەستیپێکردووە و بە نزیک بوونەوە لە هەڵبژاردن زیاتریش بووەوە و لە دوو ڕۆژی کۆتاییدا بە بیانووی نەخۆشی و ڤایرۆسێک، میدیاکانی دوژمن ، هەموو هەوڵکانی دوژمن ، هەموو هەوڵێکی دا خەڵک بترسێنێ تاکوو پاشگەزیان بکاتەوە لە بەشداریی کردن لە هەڵبژاردن.

 ئاماژەشیان دا کە دوژمنی کردنی دوژمنەکان لە گەڵ گەلی ئێران تەنیا بواری ئابووری، فەرهەنگی و بڕوا ئایینی و شۆڕشیەکان نییە و ئەوان تەنانەت  دژی هەڵبژاردنەکانی گەلی ئێرانن چونکوو نایانەوێت دیاردەی ئامادە بوونی خەڵک لە سەر سندۆقەکانی دەنگدان بەناوی دین و لە پێناو خزمەت بە شۆرش ببێتە ڕاستیەک.

 ڕێبەری زیادیان کرد: هەڵبژاردن لە کۆماری ئیسلامی نیشانی دەدات کە دین نیشانەی تەواوی دیمۆکراسیەکی هەمە لایەنەیە و بەڕێوەبردنی ۳۷ هەڵبژاردن لە ماوەی ۴۱ ساڵ نیشاندەری هەوڵی بێ وێنەی نیزامی ئیسلامی بۆ دیمۆکراسیە.

 ڕێبەری بە بانگهێشت کردنی هەموان بۆ ناسینی دوژمن و هۆشیاری لە بەرانبەر دژبەران، جەختیان کرد: لە بەرانبەر چالاکی هەزاران کەس لە بەرەی دوژمن دژی ئێران، دەبێ لە بەرەی گەلی ئێران  چەندین میلیۆن کەس ئامادەی بەرگری، گورز وەشاندن و هێرشی بەرانبەر بێت.

News Code 31150

نیشانەکان

بۆچوونی ئێوە

You are replying to: .
  • 1 + 16 =