مانگیلەی زەفەری ٢ بە هاژەکی سیمورغ ڕەوانەی بۆشایی ئاسمان دەکرێت

وەزیری بەرگری وتی: زەفەری ٢ بە ئاوردانەوە لەو کێشەی هەیەتی بە مانگیلەبەری سیمورغ ڕەوانەی سووڕگەی زەوی دەکرێت.

بە ڕاپۆرتی ئاژانسی هەواڵی مێهر، ئەمیر حاتمی وەزیری بەرگری لە پەراوێزی کۆبوونەوەی لیژنەی دەوڵەت، سەبارەت بە پاگەندەی ئەمریکا لەبارەی ستراتژیی ترامپ و پێکهێنانی هاوپەیمانیی بکە بۆتە هۆی کۆتایی هێنان پلانی مووشەکی ئێران، وتی: پرسی هاویشتنی مانگیلە و خودی مانگیلە لە جیهاندا پرسێکی ڕوون و ئاشکرایە و پەیوەندی بە بابەتی مووشەکییەوە نییە. ئەگەرچی لە پرسی مووشەکیشدا ئەوی قەدەغە کراوە بەرهەم هێنانی مووشەکگەلێک بە توانای هەڵگرتنی کڵاوەی ئەتۆمییە و لە کۆماری ئیسلامی ئێرانشدا شتێکی لەو چەشنەمان نییە.

ئەمیر حاتمی بە داکۆکی لە بەرهەمی مووشەکی ناوخۆیی وەک بژێرەیەکی گرینگی دەسەڵاتی بەرگری ئێران، وتیشی: ئێمە لە بەرهەم هێنانی مووشەکەکانماندا لە سەرجەنگی ئاسایی کەڵک وەردەگرین، چونکە وردبینانەتر ئامانجەکانی دەپێکی و ئەمریکا ئەوەی لە عەین ئەسەددا بۆ دەرکەوت.

ناوبراو بە ئاماژە بەوەی کە پرسی مانگیلە و مانگیلەبەر دەروەستی بە پلانی مووشەکییەوە نییە، جەختی کرد: ڕەنگە لە مانگیلەیەک بۆ ئامانجی بەرگری کەڵك وەرگرین، مانگیلەبەر تەواو پرسێکی نابەرگرانەیە و ئەوە مافی گەلی ئێرانە و ئێمە لەو چوارچێوەدا پلانەکانمان بەهێزەوە دەبەینە پێش.

ڕاشیگەیاند: توێژینەوەکانمان درێژەی دەبێ و لام وایە سەرەتای ساڵی داهاتوو بتوانین مانگیلەی زەفەری ٢ بە پێی کێشی کەمی بە مانگیلەبەری سیمورغ ڕەوانەی سووڕگەی زەوی بکەین.

News Code 30988

نیشانەکان

بۆچوونی ئێوە

You are replying to: .
  • 1 + 8 =