بوونی حەبی گومان‌ لێکراو لە کێکی خۆراکیدا

بەڕیوەبەری گشتیی پەدافەندی ناهۆکارمەندی کوردستان لە دۆزینەوەی حەب لە سێ نمونە کێکی خۆراکی لەو پارێزگایە هەواڵی دا.

بە ڕاپۆرتی ئاژانسی هەواڵی مێهر، ئەحمەد محەمەد ڕەزایی بە ئاماژە بە ڕاگەیاندن و ئاگاداری لە بوو‌نی ئەو حەبانە لە ١٠ رۆژی ڕابردووەوە لە تۆڕە کۆمەڵایەتییەکاندا، ڕایگەیاند: لە پارێزگای کوردستان سێ نمونەی ئەو بابەتە ڕاپۆرت کراوە و لەوبارەیەوە هوشداریی پێویست دراوە.

ناوبراو ڕاشیگەیاند: لە یەکەم لێکدانەوەکان دەرکەوت کە حەبەکان لە جۆری حەبی گشتین و مەترسییەکان بۆ سەر تەندروستی بەکار هێنەرانی نییە، بەڵام بەوەشەوە داوە لە بنەماڵەکان دەکرێت کە شتومکی خۆیان لە ناوەندە مۆڵەت دراو و ناسنامەدارەکان بکڕن و خۆببوێرن لە شت کڕین لە دەست فرۆشان.

ڕەزایی بە ئاماژە بەوەی کە لە ئێستادا ئەندامانی قەرارگای بایۆلۆژی و کۆمیسیۆنی بیۆتیرۆریزم خەریکی لێکدانەوەی زیاتری لایەنەکانی ئەو پرسەن، وتی: لە دانیشتنەکانی ئەو کۆمیسیۆنەدا  بڕیار درا کە هەموو یەکەکانی بەرهەم هێنان و بڵاو کردنەوە بە هاوکاریی ئەندامانی کۆمیسیۆن بەردەوام بپشکێندرێن و چاوەدێری بکرێن و لەبارەیەوە ناوەندە ئەمنی و ئینتزامییەکانیش بۆ کۆکردنەوەی بابەتی گومان‌ لێکراو لە ناو یەکەگەلی پیشەیی هاوکاری بکەن.

News Code 29870

نیشانەکان

بۆچوونی ئێوە

You are replying to: .
  • 4 + 6 =