پەیامی سەرەخۆشیی فەرماندەی سوپای کوردستان بە بۆنەی ڕووداوەکەی سەقز

فەرماندەی سوپای بەیتولموقەدەسی کوردستان لە پاش ڕووداوی دڵتەزێنی تەقینەوەی گاز لە تەلارێکی سەقز، پەیامی سەرەخۆشیی بڵاو کردەوە.

بە ڕاپۆرتی ئاژانسی هەواڵی مێهر، لە پەیامێ سەرەخۆشیی فەرماندەی سوپای بەیتولموقەدەسی کوردستان هاتووە: هەواڵی تاڵ و دڵتەزێنی شەوێ ڕابردوو (پێنج‌ شەممە) دڵی هەموو خەڵکی کوردستان بە تایبەت خەڵکی شاری سەقزی پڕ لە ئێش و ژان کرد و مەرگی ١١ هاووڵاتیی سەقزی لە پاش ئەو ڕووداوە دڵتەزێنە لە تەلاری شایی، بێ گومان سەخت و تاقەت پڕووکێنە و بۆتە هۆی ژان و خەفەتێکی لە بن نەهاتوو.

سەردار سەید سادق حسێنی لە درێژەدا ڕایگەیاند: بە ئەرکی سەرشانی خۆم دەزانم کە بۆ ئەو ڕووداوە دڵتەزێنە ئەسەف و سەرەخۆشیی خۆم ئاراستەی بنەماڵەی قوربانیان و خەڵکی شاری سەقز بکەم و بۆ برینداربووانیش هیوای لەشساغی و چابوونەوەی خێرایان لە خودای گەورە دەخوازم.

لەو پەیامەدا ئاماژە بەوەش دراوە: بەرپرسان دەبێ جگە لە پەیجۆریی تەواوی هۆکارەکانی ئەو ڕووداوە، هەموو ئیمکاناتێک بۆ چارەسەری و پێڕاگەیشتن بە برینداران دابین بکەن و بەڵکوو لەو رێگەوە بکرێت بەشێک لە باری خەم و ژانی ئەو ڕووداوە دڵتەزێنە کەم بکرێتەوە.

شەوی هەینی بە هۆی تەقینەوەی کەپسوولێکی گازی تەڕاو لە تەلاری شایی مانگەشەوی سەقز، ١١ کەس گیانی خۆیان لە دەست دا و زیاتر لە ٤٠ کەسیش بریندار بوون.

News Code 29701

نیشانەکان

بۆچوونی ئێوە

You are replying to: .
  • 2 + 6 =