بە ڕاپۆرتی ئاژانسی هەواڵی مێهر لە هەواڵدەریی ئەناتۆڵی، سەربازانی فەڕەنسەوی هەروەها بە ناوی سەربازی ئەمریکییەوە لە سووریا چالاکی دەکەن.
بە پێی ئەم ڕاپۆرتە، نزیک بە ٢٠٠ هێزی تایبەتی فەڕەنسا و سەربازانی ئەو وڵاتە لە چوارچیوەی هاوپەیمانی نێودەوڵەتی بە رێبەرایەتی ئەمریکا ئێستا لە ٤ ناوچە لە پارێزگاکانی حەسەکە، دەیرەزوور و رەقە ئامادەن.
ئەو ناوچانە لە ژێر کۆنترۆڵی یەکینەکانی پاراستنی گەل یەپەگە دان و سەربازانی فەڕەنسەوی لە ئەو ناوچە ئەو هێزانە ڕادەهێنن .
ئەو سەربازە فەڕەنسەویانە لە بنکەکانی ئەمریکا جێگیر کراون، ئەمە لە حاڵێکدایە کە لەم دواییەدا دژایەتی گەلێک لە نێوان بەرپرسانی فەڕەنسا و ئەمریکا لە ناتۆ دروست بووە بەڵام هاوکاری سەربازیی چروپڕیان لە سووریا هەیە.
Your Comment