بە ڕاپۆرتی ئاژانسی هەواڵی مێهر، نووسینگەی مەحموود ئەحمەدی نژاد بە بڵاوکردنەوەی ڕاگەیێندراوێک، بە ئاماژە بە بڕیاری بەشداریی سەرۆک کۆماری پێشووی ئێران لە سێهەمین کۆڕبەندی جیهانی TRT لە ژێر ناوی "جیهانگەری، دەرفەتەکان و هەڕەشەکان" کە لە رۆژانی ٢٨ و ٢٩ی ڕەزبەر (٢١ و ٢٢ی ئاکتەوبری ٢٠١٩) لە شاری ئەستەنبۆڵی تورکیا بەڕێوە دەچێت، ڕایگەیاند: سەرۆکی دەوڵەتی نۆهەم و دەهەم بە ئاوردانەوە لە شەڕ و پێکدادانی توندی نێوان سوپای تورکیا و کەردەکانی سووریا و بۆ داکۆکی لە زەروورەتی تێکۆشان بۆ ئاشتی و چارەسەریی کێشەکان لە رێگەی گفتوگۆی دادپەروەرانە و ڕێزدارانە، سەفەری خۆی بۆ تورکیا هەڵدەوەشێنێتەوە و دایدەنێ بۆ کاتێکی دیکە.
لەو ڕاگەیێندراوەدا وێرای دەستخۆشی لە بەرپرسان، مامۆستایانی زانکۆی ئەدیرنە، بەرپرسانی ڕادیۆ و تەلەڤیزیۆنی تورکیا (TRT)، ڕێکخراوی ئالی بەیت و بەڕیوەبەرانی ئەو کۆڕبەندە، هاتووە: لە خودای مەزن هیوای تەندروستی، سەربەرزی، ئاسایش و ئاشتی بۆ هەموو گەلان بە تایبەت گەلانی ناوچە و کۆتایی پیلانی داگیرکەران و هاوڕێتی و هاوژینیی برایانە دەخوازم.
Your Comment