ئێران داوای لە تورکیا کرد بە پەلە هێرش بۆ سەر باکووری سووریا ڕابگرێت

وەزارەتی دەرەوەی ئێران راگەیەندراوێکی بڵاوکردەوە و داوای کرد، تورکیا بە پەلە هێرشەکانی بۆ سەر باکووری سووریا رابگرێت و هێزەکانی بکشێنێتەوە.

بە ڕاپۆرتی ئاژانسی هەواڵی مێهر، وەزارەتی دەرەوەی ئێران ئەمڕۆ پێنجشەممە لە بەیاننامەیەکدا رایگەیاند:"ئێمە لە ترسەکانی تورکیا تێدەگەین، سەرەڕای ئەوەش داوای وەستاندنی  دەستبەجێی ئۆپەراسیۆنە سەربازییەکەی باکووری سووریا و کشانەوەی هێزەکانی هێزەکانیان دەکەین لەو ناوچانە".

ئێران جەختی کردووە کە ئۆپەراسیۆنەکەی تورکیا هیچ کاریگەرییەکی نابێت لەرەواندنەوەی ترس و نیگەرانیەکانی دەربارەی ئاسایشی تورکیا، بەڵکوو دەبێتەهۆی زیاترکردنی زیانی ماددی و رۆحییەکان بەشێوەیەکی بەرفراوان.

وەزارەتی دەرەوەی ئێران ئەوەشی وتووە کە ئێران "زۆر نیگەرانە لەوەی ئۆپەراسیۆنە سەربازییەکە ببێتە هۆکاری زیادکردنی ژمارەی قوربانیەکان و مەترسیەکانی سەر هاوڵاتیانی مەدەنی".

دووپاتیشی کراوەتەوە کە "تاران لە پەیوەندی بەردەوامدا دەبێت لەگەڵ تورکیادا، ئامادەیە یارمەتیدەربێت بۆ چارەسەرکردنی کێشەکانی نێوان هەردولا".

هەروەها تاران  ئەوەیشی راگەیاندووە کە "لابردنی گرژیی و ئاڵۆزییەکانی سنوورەکانی تورکیا-سووریا لەڕێگەی رێزگرتن لە دەسەڵات و یەکپارچەی خاکی سووریا نەبێت چارەسەرنابێت".

News Code 28813

نیشانەکان

بۆچوونی ئێوە

You are replying to: .
  • 1 + 1 =