دایکانی شەممە تەڤلی ناڕەزایەتییەکانی ماردین بوون

دایکانی شەممە بە ئامادەبوون لە ماردین تەڤلی ناڕەزایەتیی جەماوەری بەرانبەر لە کار دوور خستنەوەی شارەوانانی کورد بوون.

بە ڕاپۆرتی ئاژانسی هەواڵی مێهر بە گێرانەوە لە فورات نیووز، دایکانی ئاشتی ناسراو بە دایکانی شەممە، بە ئامادەبوون لە ماردین و تەڤلبوون بە ناڕەزایەتییەکانی ماردین لە دژی دانانی سەرپەرەشت بوو شارەوانیگەلی گەورە شارانی کوردنشین، پاڵپشتیی خۆیان بۆ شارەوانە کوردەکان ڕاگەیاند.

دایکانی شەممە بە دەرکردنی بەیاننامەیک ڕایانگەیاند: سەرپەرەشتانی دیاری کراو بۆ شارەوانیگەلی سارە کوردنشینەکان بە فەرمی ناناسین و بەرگری لە ئیرادە و نوێنەرانی خۆمان دەکەین.

شایانی باسە، لە گەڵ بڵاوکرانەوەی ئەو بەیاننامەیە پەرلەمانتارانی تورکیا و دایکانی شەممە لە شارە جۆراوجۆرەکانی تورکیاوە گەیشتنە ماردین و لە پارکی کاریۆلاری بەشی ئۆرتۆکلۆی ماردین کۆبوونەوە.

دایە سوڵتان لەو کۆبوونەوەیە بە نوێنەریی دایکانی شەممە رایگەیاند: ئێمە نامانەوێ کەس گیانی لە دەست بدات. ئێمە خوازیاری ئاشتین. مەرگ رێگە چارە نییە. ئێمە دایکی سەربازان، پۆلیس و هێزەکانی پەکەکەین.

News Code 28159

نیشانەکان

بۆچوونی ئێوە

You are replying to: .
  • 1 + 4 =