ڕووسیا داوای هەڵوەشاندنەوەی گەمارۆکانی ئەمریکا دژی ئێرانی کرد

نوێنەری ڕووسیا لە کۆبوونەوەی ئەنجومەنی ئاسایشی نەتەوە یەکگرتووەکان، داوای هەڵوەشاندنەوە و کۆتایی هاتنی گەمارۆکانی ئەمریکا دژی ئێرانی کرد.

بە ڕاپۆرتی ئاژانسی هەواڵی مێهر لە تاس، دیمیتری پولیانسکی، جێگری باڵوێزی ڕووسیا لە نەتەوە یەکگرتووەکان لە دوایین کۆبوونەوەی ئەنجومەنی ئاسایش کە لە سەر بابەتی ئاشتی و ئاسایشی نێودەوڵەتی بە تایبەتی کێشەکانی ڕۆژهەڵاتی ناڤین بەڕێوە چوو، داوای هەڵوەشاندنەوەی گەمارۆکان و کۆتایی هێنان بە هەڕەشەی ئەمریکا دژی ئێرانی کرد.

بە وتەی ئەو دیپلۆماتە ڕووسە، ناتوانرێت داوا لە تاران بکرێت کە دانوستان بکات و هاوکاتیش گەمارۆی بە سەردا بسەپێت.

ناوبراو بە وتنی ئەوەی کە داوا لە هەموو لایەنەکان دەکەین لەخۆبوردوو بن، درێژەی دا: هەمووان پێویستە هەول بدەن تا لە ڕێگای سیاسی و دیپلۆماتیکەوە ئاڵۆزییەکان کەم بکەنەوە و کێشەکانی خۆیان جارەسەر بکەن. ئەوەش باس لە ئەوە دەکات کە پێش هەموو شتێک ئەبێ ئۆلتیماتۆم، گەمارۆ و هەڕەشەکان هەڵبوەشێتەوە.

باڵویزی ڕووسیا بە ڕەخنە لە کردەوەی ئەمریکا لە پێشێل کردنی بڕیارنامەی ٢٢٣١ زیادی کرد: لە ڕاستیدا ئەمریکا بە لەبەرچاو نەگرتنی ژمارەیەک لە یاسا نێودەوڵەتییەکان، ئەو وڵاتانەی کە بە دوای بەڕێوە بردنی بڕیارنامەی ٢٢٣١ ن سزا دەدات.

News Code 27956

نیشانەکان

بۆچوونی ئێوە

You are replying to: .
  • 4 + 5 =