ئێران چوار دەروازەی سنووریی دیکە لە گەڵ هەرێمی کوردستان دەکاتەوە

کۆنسوڵی کۆماری ئیسلامی ئێران لە سلێمانی ڕایگەیاند کە كارده‌كه‌ن بۆ كردنه‌وه‌ى چوار ده‌روازه‌ى سنوورى دیکە له‌گه‌ڵ هه‌رێمى كوردستان كه‌ ده‌كه‌ونه‌ سنوورى پارێزگاى سلێمانى.

بە ڕاپۆرتی ئاژانسی هەواڵی مێهر، قایمقانى سلێمانى و كونسوڵى نوێى ئێران لە سلێمانی بۆ تاوتوێی په‌یوه‌ندییه‌ بازرگانى و كلتورى و فه‌رهه‌نگییه‌كانى نێوان هه‌رێمی کوردستان و ئێران کۆبوونەوە.

مه‌هدی شوشته‌ری، كونسوڵی نوێى كۆماری ئیسلامی ئێران له‌ سلێمانی سه‌ردانى قایمقامیه‌تى سلێمانى كرد و له‌لایه‌ن ئاوات محه‌مه‌د قایمقامى سلێمانى  پێشوازى لێكرا.

قایمقامى سلێمانى لە کۆبوونەوەکەدا رایگه‌یاند: "هه‌رێمى كوردستان و كۆمارى ئیسلامى ئێران په‌یوه‌ندییه‌كى مێژوویى كلتوورى و فه‌رهه‌نگى و بازرگانى و ئابوورى تۆکمەیان هەیە .

 ئاماژەی بەوەشکرد کە  "خوازیارى ئه‌وه‌ن هه‌نگاوى زیاتر بنرێت بۆ چڕکردنەوەی ئه‌و په‌یوه‌ندییانه‌ى كه‌ له‌ نێوان هه‌رێمى كوردستان و كۆمارى ئیسلامى ئێراندا هه‌یه‌".

قایمقامى سلێمانى داواشى له‌ كونسوڵى ئێران له‌ سلێمانى كرد له‌ هاورده‌كردنى كه‌لوپه‌ل و مه‌وادى خۆراكى ره‌چاوى كوالێتى و جۆرى بكرێت و هانى باشترین كۆمپانیا ئێرانییه‌كانیش بدرێت له‌ سلێمانى و كوردستان وه‌به‌رهێنان بكه‌ن.

هاوکات مه‌هدی شوشته‌ری، كونسوڵی نوێى كۆماری ئیسلامی ئێران له‌ سلێمانی رایگه‌یاند، خۆشحاڵن به‌و په‌یوه‌ندییه‌ به‌هێزه‌ كلتورى و بازرگانیه‌ى كه‌ له‌ نێوان ئێران و هه‌رێمى كوردستاندا هه‌یه‌.

جه‌ختیشى له‌ په‌ره‌پێدانى زیاترى ئه‌و په‌یوه‌ندیانه‌ كرده‌وه‌ و وتی: "كۆمارى ئیسلامى ئێران خوازیارى ئه‌وه‌یه‌ بره‌وى زیاتر به‌و په‌یوه‌ندیانه‌ بدرێت و له‌ خاڵه‌ سنورییه‌كان كارئاسانى ته‌واو بۆ هاوڵاتیان و بازرگانان بكرێت".

كونسوڵی كۆماری ئیسلامی ئێران له‌ سلێمانی رونیشیکردەوە: "كارده‌كه‌ین بۆ كردنه‌وه‌ى چوار ده‌روازه‌ى سنوورى دیکە له‌گه‌ڵ هه‌رێمى كوردستان كه‌ ده‌كه‌ونه‌ سنوورى پارێزگاى سلێمانى".

News Code 27953

نیشانەکان

بۆچوونی ئێوە

You are replying to: .
  • 3 + 13 =