ئەدەبیاتی هیچ گەلێکی ئێرانی لەگەڵ ئەدەبیاتی کورد  بەراورد ناکرێت

توێژەری کورد بە ئاماژە بە دەوڵەمەندی و سامانداری زمان و ئەدەبیاتی کوردی، وتی: ئەدەبیاتی هیچ گەلێکی ئێرانی بەراورد ناکرێت لە گەڵ ئەدەبیاتی کوردی.

بە ڕاپۆرتی ئاژانسی هەواڵی مێهر، موحەمەد عەلی سوڵتانی لە ڕێوڕەسمی کۆتایی کۆنگرەی نێودەوڵەتی ناودارانی کورد وێڕای دەستخۆشی لە بەڕێوەبەرانی کۆنگرەی ناودارانی کورد، وتی: یەکێک لە گەورەترین دەستکەوتەکانی کۆنگرە گەڕانەوەی هونەرمەندی گەورەی کورد مەزهەر خالقییە.

وتیشی: گەڕانەوەی ئەو گەڕانەوەی مۆسیقای کوردی، گەڕانەوەی ئەخلاقی هونەری و گەڕانەوەی کەسێکە کە لە ماوەی ٤٠ ساڵ دووری لە نیشتمان هەوڵی کۆ کردنەوەی گەورەترین ئەرشیڤی مۆسیقای کوردی دا و ئەوەی سەلماند کە کەسانێک کە خزمەتگوزاری خەڵکن لە هیچ کادیرێکی سیاسی جێ ناگرن.

ئەو توێژەرە کوردە لە درێژەدا ئاماژەی کردە سەر تەواو بوونی خوێندنی خوێندکارانی زمان و وێژەی کوردی و وتی: بە کۆتایی گەیاندنی ئەو قۆناغە لە بواری زمان و وێژەی کوردی نیشانی دا لاوانی کورد زیاتر لە لاوانی گەلەکانی تر هەوڵ دەدەن بۆ پاراستنی زمان و فەرهەنگی خۆیان.

موحەمەد عەلی سوڵتانی زیادی کرد: ڕێکخستنی بواری زمان و وێژەی کوردی هەوڵێکی مێژوویی بوو و تەواو بوونی خوێندنی یەکەم گرووپی خوێندکاران کارێکی مێژوویی و بێ وێنە بوو و ئەوەها کارێکی بێ وێنەیە کە تا هەمیشە لە سەر لووتکەی کار و تێکۆشین دەدرەوشێتەوە و ناتوانرێت لەبەرچاو نەگیردرێت.

سوڵتانی درێژەی دا: کوردەکان سەرەڕای ٣ هەزار ساڵ سەرکوت و تەحەمولی زڵم، زانست و ئەندێشە و فەرهەنگی لە بیر نەکردووە و ئەو گرینگە بووەتە هۆی درەوشانەوەی ناویان لە سەر لووتکەکانی شانازی لەوانە وەرگرتنی خەڵاتی نۆبێلی ئاشتی.

ئەو توێژەرە کوردە ڕایگەیاند: وێژەی هیچ یەکە لە گەلە ئێرانییەکان یەکسان نییە لە گەڵ وێژەی کوردی و ئەوەش دەتوانین لە کەسیگەلێک وەکوو ٤٠ هەزار بەیت بە زمانی هەورامی و یارسانەکان بدۆزینەوە.

News Code 27246

نیشانەکان

بۆچوونی ئێوە

You are replying to: .
  • 1 + 13 =