سەفەری "ئابە" بۆ نابژیڤانی لە نێوان ئێران و ئەمریکا نییە

ئەندامی کۆمیسیۆنی ئاسایشی نیشتمانی و سیاسەتی دەرەکی مەجلیس بە ئاماژە بەوەی کە پەیوەندییەکانی ئێران و ئەمریکا تەوەری سەفەری "شینزۆ ئابە" بۆ تاران نییە، وتی: ئامانج لەو سەفەرە گەشەی پەیوەندیی دوو لایەنەیە.

عەلائەدین برووجێردی لە وتووێژ لە گەڵ هەواڵنێری ئاژانسی مێهر بە ئاماژە بە سەفەری سەرۆک وەزیرانی ژاپۆن بۆ ئێران وتی: ئەو سەفەرە لە پێناو پەیوەندیی دوو لایەنەی ئێران و ژاپۆنە و دوو وڵات لە ماوەی ساڵانی پاش شۆڕشی ئیسلامی بەردەوام پەیوەندییەکی زۆر باشیان پێکەوە بووە.

نوێنەری خەڵکی برووجێرد وتیشی: هەندێک دەنگۆ لەبارەی ئەوەی کە سەفەری ئابە بۆ تاران لە پێناو ناوبژیڤانی لە نێوان ئێران و ئەمریکا، بەڵام ئەو قسانە زیاتر بیروبۆچوون و دەنگۆیە و ڕاست نییە.

ئەندامی کۆمیسیۆنی ئاسایشی مەجلیس بە ئاماژە بەوەی کە پرسی ئەمریکا بێ گومان بەشێک دەبێ لە رۆژەڤی سەفەر و دانوستانی ئابە، ڕوونی کردەوە: بەوەشەوە ئەو سەفەرە تەنیا بە ئامانجی ناوبژیگەری نێوان تاران و واشنتۆن ئەنجام نادرێت.

ناوبراو هەروەها ڕووانییە پەیوەندی تەلەفونی سەرۆک وەزیرانی ڕژیمی زایۆنی لە گەڵ سەرۆک وەزیرانی ژاپۆن و ڕایگەیاند: نتانیاهۆ لە پێناو داسەپاندنی گوشارێکی زیاتر لە دژی ئێران سەر بە هەموو وڵاتێکدا دەکا و کاتێک کە زانی سەرۆک وەزیرانی ژاپۆن بڕیارە سەردانی ئێران بکات، پەیوەندی پێوە گرت.

برووجێردی جەختیشی کرد: ژاپۆن وڵاتێکی سەربەخۆیە و بە تەلەفونێکی سەرۆک وەزیرانی ڕژیمی زایۆنی سیاسەتەکانی ناگۆڕێ.

News Code 26849

نیشانەکان

بۆچوونی ئێوە

You are replying to: .
  • 6 + 0 =