بانگەوازی هەڕاجی ئاسەوارە هونەرییەکان بۆ یارمەتی بە لافاولێدراوان

حەوزەی هونەری کوردستان بە مەبەستی یارمەتی بە لافاولێدراوانی ئێران داوای لە هەنەرمەندانی پارێزگای کوردستان کرد تا لە گەڵاڵەی هەڕاجی هونەر لە ژێر ناو " لافاو-میهرەبانی" بەشداری بکەن.

بە ڕاپۆرتی ئاژانسی هەواڵی مێهر لە پێوەندییە گشتییەکانی حەوزەی هونەری پارێزگای کوردستان ئەمین مورادی سەرۆکی حەوزەی هونەری پارێزگای کوردستان بە ئاماژە بە ڕووداوی لافاو لە پارێزگا جیاوازەکانی ئێران لەوانە، مازەندەران، فارس، لوڕستان، خووزستان و ئیلام، بە دەستخۆشی لە بەشداری بەربڵاوی هونەرمەندانی پارێزگای کوردستان لە گەڵاڵەی یارمەتی بە بوومەلەرزە لێدراوەکانی کرماشان وتی: ئەمڕۆ زۆربەی هاووڵاتانی ئازیز لە ئەو پارێزگاگەلە لافاو گەمارۆیان داوە کە بووەتە هۆی خەساری زۆر بە ژێرخانەکانی ئەو ناوچە و هەروەها دانشتووانی ناوچە لافاولێدراوەکان و پێویستیان بە یارمەتی هەیە.

ناوبراو بە ئاماژە بە ئەرکی هونەرمەندان لە یارمەتی بە مرۆڤەکان، وتی: حەوزەی هونەری بە شێوەی سەرتانسەری گەڵاڵەی هەراجی ئاسەوارە هونەرییەکانی لە ژێر ناوی لافاو-میهرەبانی ڕاگەیاندووە و تێیدا ئاسەواری هونەرمەندان بۆ یارمەتی بە لافاولێدراوانی ئێران لە چوارچێوەی پیشانگایەک هەڕاج دەکرێت.

مورادی بە ئاماژە بە پارێزگای کوردستان وەکوو جەمسەری سەرەکی هونەرەکانی ئێران و بەشداری سەرکەوتووی هونەرمەندانی ئەو بوارە لە ئاستی نەتەوەیی، وتی: بە پێی ڕاگەیاندنی ئامادەیی هونەرمەندانی پارێزگا لە ئەو گەڵاڵە نەتەوەییە و لە درێژەی تۆکمە کردنەوەی هاودڵی و یارمەتی و قەرەبوو کردنەوەی بەشێک لە دەردەکانی لافاولێدراوەکان، حەوزەی هونەری پارێزگا ئامادەیی خۆیی لە درێژەی کۆ کردنەوەی ئاسەواری هونەرمەندان و ناردن بۆ ئەو هەڕاجە گەورە، ڕادەگەیێنن.

ناوبراو وتی: هونەرمەندانی پارێزگا دەتوانن ئاسەواری خۆیان تا ١٩ خاکەلێوەی ٩٨ بە ناونیشانی: سنە- شەقامی شەهید تەعریف-خوارتر لە نەخۆشخانەی شەهید قازی-حەوزەی هونەری پارێزگای کوردستان بنێرن.

مورادی وتی: هەڕاجی گەورەی ئاسەواری هونەری ٢٠ تا ٢٥ ی خاکەلێوە لە تاران بەڕێوە دەچێت و ئاکامەکەی بە هونەرمەندە بەشدار بووەکان ڕادەگەیێدرێت.

News Code 25915

نیشانەکان

بۆچوونی ئێوە

You are replying to: .
  • 4 + 2 =