کۆنگرەی ناودارانی کورد دەرفەتێکی باش بۆ ناساندنی کوردە

پارێزگاری کوردستان ئاماژەی دا کە کۆنگرەی ناودارانی کورد دەرفەتێکی زۆر باشە کە ناودارە بەرزەکانی کورد بناسرێن. بەم کۆنگرەیە دەمانەوێت خزمەتی ناودارانی کوردەکان بە جیهان نیشان بدەین.

بە ڕاپۆرتی ئاژانسی مێهر، بەهمەن مورادنیا، سەبارەت کۆنگرەی کەسایەتییەکانی کورد وتی: ئەم کۆنگرە جیاواز لە ناساندنی زیاتری ناودارانی کورد، دەبێتە هۆی پەیوەندی زیاتری ئەوان لەگەڵ کۆمەڵگای کوردی. هیوادارم سەرۆک کۆماری ئێران کات بکات و لەم کۆنگرەیە بەشداری بکات.

ئەو زیادی کرد: ئەم کۆنگرە دەبێت لە ئاستی جیهانی بەڕێوە بچێت چون ئێمە هیچ ئامانجی ئەوەمان نییە کارێکی ئاسایی بکەین وەک بڵێن کارێکیان کرد و تەواو. کۆنگرەکە لە ئاستی هەموو ناودارانی کورد لە سەرتانسەری جیهان بەڕێوە دەچێت. کەسانێک کە لە لەم کۆنگرە دەناسڕێن کەسانێکی پایە بەرز لە ئاستی جیهانین و هەموو کورد خۆشیان دەوێت.

پارێزگاری کوردستان لە کۆتایدا وتی: بەڕێوە بردنی کۆنگرەی ناودارانی کورد دەتوانێت ڕۆڵی باشی لە گۆڕینی بیر و ڕای جیهان لە سەر کورد هەبێت و هیوادارم بە باشی بەڕێوە بچێت.

شایانی باسە یەکەمین کۆنگرەی ناودارنی کورد ٦ی گوڵانی ۱۳۹٨ لە سنە بەڕێوە دەچێت.

News Code 24511

نیشانەکان

بۆچوونی ئێوە

You are replying to: .
  • 6 + 7 =