تاران باڵوێزی پۆڵه‌ندای بانگهێشت کرد

له‌ کاردانه‌وه‌ به‌ به‌ڕێوه‌ چوونی کۆنفڕانسێکی دژ به‌ ئیران له‌ ژێر ناوی ئاشتی و ئه‌منیه‌ت له‌ ڕۆژهه‌ڵاتی ناڤین به‌ میوانداری پۆڵه‌ندا، ئێران ناڕه‌زایه‌تی خۆیی ده‌ربڕی.

به‌ ڕاپۆرتی ئاژانسی مێهر، له‌ کاردانه‌وه‌ به‌ به‌ڕێوه‌ چوونی کۆنفڕانسێکی دژ به‌ ئیران له‌ ژێر ناوی ئاشتی و ئه‌منیه‌ت له‌ ڕۆژهه‌ڵاتی ناڤین به‌ میوانداری پۆڵه‌ندا، ئێران ناڕه‌زایه‌تی خۆیی ده‌ربڕی.

به‌ پێی ئه‌م ڕاپۆرته‌، ئه‌م کۆنفڕانسه‌ به‌ هاوکاری ئه‌مریکا و له‌ ڕۆژانی ۲۴ و ۲۵ی ڕێبه‌ندانی ئه‌مساڵ له‌ وه‌رشۆ به‌ڕێوه‌ ده‌چێت.

دوای بانگهێشتی کردنی باڵوێزی پۆڵه‌ندا، سه‌رۆکی به‌شی ئه‌ورووپای ڕۆژهه‌ڵاتی وه‌زاره‌تی ده‌ره‌وه‌ی ئێران وتی: ئه‌مه‌ کارێکی دوژمنکارانه‌ له‌ لایه‌ن ئه‌مریکاوه‌یه‌ و چاوه‌ڕوانی ئه‌وه‌ نه‌بووین پۆله‌ندا له‌مباره‌وه‌ هاوکاری ئه‌مریکاییه‌کان بکات.

باڵوێزی پۆڵه‌ندا له‌م دیداره‌ ئاماژه‌ی دا که‌ کۆنفڕانسه‌که‌ دژ به‌ ئێران نییه‌ و بۆچوونی پۆله‌ندا سه‌باره‌ت به‌ ئێران له‌گه‌ل به‌رپرسانی ئه‌مریکا جیاوازه‌.

به‌رپرسه‌ ئێرانییه‌که‌ قسه‌کانی باڵوێزی پۆڵه‌ندای به‌ گونجاو وه‌سف نه‌کرد و داوای کرد که‌ وه‌رشۆ به‌ په‌له‌ ڕێکاری پێویست بگرێته‌ به‌ر، ئه‌گه‌رنا ئێران ناچار ده‌بێت کاردانه‌وه‌ی هه‌بێت.

له‌ کۆتایدا باڵوێزی پۆڵه‌ندا ڕایگه‌یاند که‌ په‌یامه‌که‌ی ئێران به‌ به‌رپرسانی وڵاته‌که‌ی ڕاده‌گه‌یه‌نێت.

News Code 24280

نیشانەکان

بۆچوونی ئێوە

You are replying to: .
  • 4 + 12 =