بە ڕاپۆرتی ئاژانسی هەواڵی مێهر بە گێڕانەوە لە "فلسطین الیوم"، ماهر سەلاح ئەندامی باڵای حیماس لە لێدوانێکدا ڕایگەیاند کە ئێران هێشتاش بەردەوامە لە پاڵپشتی کردنی فەلەستین و بەرخۆدانی ئەو وڵاتە.
بە گوێرەی ئەو هەواڵە ناوبراو بە داکۆکی لە گەشە و پەرەسەندنی پەیوەندییەکی حیماس و ئێران، وتیشی کە ئێران هێشتاش لە بوارگەلی جۆراوجۆردا پاڵپشتی لە فەلەستین و بەرخۆدانی ئەو وڵاتە دەکات.
سەلاح جەختی کرد: ئاشتەوایی نیشتمانی لە سەردەمی مەحموود عەباس سەرۆکی ڕێکخراوی خۆبەڕێوەبەری فەلەستین مومکین نییە.
ناوبراو جەختی لە بژێرەی حیماس بۆ بووژانەوەی یەکگرتوویی نیشتمانی و پڕکردنەوەی کەلێنی ناوخۆیی سەرەڕای لاگرتنی مەحموود عەباس و دژایەتیی لە گەڵ کۆتایی هێنان بە دووبەرەکی ناوخۆیی کرد.
ماهیر بیریشی هێنایەوە کە حیماس هاوکاتی پێداگری بۆ وەدی هێنانی ئاشتی نیشتمانی، درێژە بە هەڵسوکەوتەکانی لەو بوارەدا دەدات و لە پێناو هەڵوەشاندنەوەی ئەو گەمارۆیە لە رێگەی بە کار هێنانی ئیمکانات و کەرەسەی مومکین هەوڵ دەدات.
بۆچوونی ئێوە