دانوستانی ئێران لە گەڵ ئەمریکا لە عەمان درۆیە

وەزارەتی دەرەوە بە دەرکردنی بەیاننامەیەک هەواڵی دانوستانی ئێران لە گەڵ ئەمریکا لە عەمانی بە درۆخستەوە.

بە ڕاپۆرتی ئاژانسی هەواڵی مێهر بە گێرانەوە لە ناوەندی دیپلۆماسیی گشتی و میدیایی وەزارەتی دەرەوە، وەزارەتی دەرەوە ئیدعای ئەم دواییەی کەریمی قودوسی نوێنەری مەجلیسی شۆڕای ئیسلامی سەبارەت بە هەوڵ و ئارەزووی وەزارەتی دەرەوە بۆ پەیوەندی گرتن و دانوستان لە گەڵ دەوڵەتی ویلایەتە یەکگرتووەکای ئەمریکا لە وڵاتێکی دراوسێدا ڕەت کردەوە و لەوبارەیەوە جەختی لە خاڵەکانی خوارەوە کرد:

١- ڕاشکاوانە هەر جۆرە ئیدعایەک سەبارەت بە پەیوەندی گرتن و دانوستان لە گەڵ دەولەتی ئەمریکا لە وڵاتێکی دراوسێدا درۆ و ناڕاستە و بە توندی ڕەتی دەکەینەوە.

٢- وەزارەتی دەرەوە لە تەواو ئاست و ئەرکانی بەڕێوەبەری و کارناسیی بە تایبەت لە پرسی پەیوەندی و بەرەنگاربوونەوەی ئەمریکا پێڕەوی فەرمان و سیاسەتگەلی داڕێژراوە لە لایەن رێبەری باڵاوەیە.

٣- وەزارەتی دەرەوە و دیپلۆماتەکانی کۆماری ئیسلامی ئێران خۆیان بە چاوەدێری بەرژەوەندیی نیشتمانی و بەرژەوەندییەکانی وڵات دەزانن و پابەندیی خۆیان بە ئامانج و بایەخەکانی کۆماری ئیسلامی لە رێگەی نیشاندانی وێنەیەک ڕاستەقینە لە گۆرانکاری و ڕەوتەکانی ئێستای ناوچە، جیهان و سیستەمی نێودەوڵەتی سەلماندووە و خۆمان لە بابەتی پێدانی ڕوانگەیەکی کارناسانە بە بەرپرسانی باڵای دەوڵەت و نیزام بە بەرپرس دەزانین.

٤- ئەوە بۆ چەندەمین جارە کە بەڕێز قودوسی لە سەرجاوەگەلی درۆییەنەوە هەواڵی هەڵەی پێدەگا و خۆی کردۆتە گەمەجاری ئەو سەرچاوانە و بڵاوکردنەوەی هەواڵی بێ بنەما کە تەنیا ئامانجیان بشێوی لە کۆمەڵگا و پاشاگەردانی لە دژی وەزارەتی دەرەوە و دڵساردکردنەوەی خەڵکی هوشیار و هێزە دڵسۆزەکانە.

٥- بێ شک کارگێران و بەرپرسان و دیپلۆماتەکانی وەزارەتی دەرەوە هێرش و تۆمەت لێدانەکانی ئەم ماوەیەی هەندێک گرووپ و دامەزراوەی هاوتەریب لە گەڵ بۆچوونەکانی ئەو نوێنەرە بەڕێزە بۆ سەرکەوتنەکانی دەزگای دیپلۆماسی و دەمارگرژی و لاوازیی ڕوانگەیەکی نیشتمانی و گرووپ‌گەرانە لای تاقمێک دەگەڕێننەوە.

٦- لە کۆتاییدا داوا لەو نوێنەرە بەڕێزە دەکەین کە لە بری پێداگریی هەڵە و راگەیاندنی هەواڵی درۆیین لە دژی وەزارەتی دەرەوە، سەرچاوەکانی هەواڵی خۆی بگۆڕێت بۆ ئەوەی بە هەواڵی درۆدان ناوبانگ دەرنەکات.

News Code 22685

نیشانەکان

بۆچوونی ئێوە

You are replying to: .
  • captcha