چنینی ٣٦٠٠ مەتری دووجا قاڵی دەستچن لە ئیلام

جێگری ڕێکخراوی پیشەسازی، کانگا و بازرگانیی پارێزگای ئیلام لە چنینی سێ هەزار و ۳۱۶ مەتری دووجا قاڵی دەستچن لە ئیلام لەمساڵدا هەواڵی دا و وتی: بەرهەمەکانی پارێزگا هەناردەی ٨٠ وڵاتی بیانی دەکرێت.

جەمیل شۆهانی لە لێدوانێک بۆ ئاژانسی مێهر ڕایگەیاند: قاڵی دەستچنی پارێزگای ئیلام لە گەڵ بەرهەمە نیشتمانییەکانی دیکە هەناردەی ٨٠ وڵاتی جیهانی دەکرێت.  

وتیشی: لە سەرەتای ئەمساڵەوە سێ هەزار و ۳۱۶ مەتری دووجا قاڵی دەستچن لە پارێزگای ئیلام بەرهەم هاتووە کە بە نیسبەتی ساڵی ڕابردوو لە سەدا ٦ بەرزبوونەوەی بووە و بایەخی بەرهەم هێنانی زیاتر لە ٢١٦ ملیارد ڕیاڵە.

شۆهانی ئاماژەی بەوەش دا: زیاتر لە ١٤ ڕێکخراوە و ١٤ هەزار و ٢١٩ تەونچن لە ئاستی پارێزگادا لە قەوارەی ڕێکخراوگەلی بواری تەون چالاکن کە لەو ژمارە چوار هەزار و ۵۰۰ کەسیان بیمە کراون.

جێگری ڕێکخراوی پیشەسازی، کانگا و بازرگانیی پارێزگای ئیلام هەروەها ئاماژەی بە وامی ڕەخساندنی هەلی کاری ناوماڵ بە تەونچنان و گوندنشینان کرد و ڕاشیگەیاند: تا ئێستا زیاتر لە ٢٠٠ تەونچن و ۴۶ کارگە لە بواری قاڵی و لەوان بەرهەم هێنان، ڕەنگڕێژی و دابین کردنی کەرەسەی سەرەتایی و فرۆشی تەون بۆ ئەو مەبەستە بە ئیدارەی هەرەوەزی، کار و ئاسوودەیی کۆمەڵایەتی ناسێندراون ناسێندراون.

شۆهانی بە ئاماژە بە هەوڵی ئەو ئیدارەیە لە پێناو ناساندنی تەونچنی زیاتر تا ئاستی هەزار کەس بۆ بەهرەمەندبوون لە وامی ڕەخساندنی هەلی کاری ناوماڵ تا کۆتایی ئەمساڵی هەتاوی، وتی: لە سەرەتای جێبەجێ کردنی پلانی کار و پیشەی ناوماڵ، ٥ ملیارد ڕیاڵ بە وام دراوەتە تەونچنانی پارێزگا.

News Code 15903

نیشانەکان

بۆچوونی ئێوە

You are replying to: .
  • 7 + 8 =