سوپای تورکیا سوپای گولەنییەکان و گرووپە بیانییەکان نییە

سەرۆک کۆماری تورکیا بە ئاماژە بەوەی کە سوپای وڵاتەکەی، سوپای فەتۆچییەکان و گرووپە بیانییەکانی دیکە نییە، وتی سوپای تورکیا تایبەت بە گەلی ئەو وڵاتەیە.

بە ڕاپۆرتی ئاژانسی هەواڵی مێهر بە گێڕانەوە لە حوڕییەت، ڕەجەب تەیب ئەردۆغان سەرۆک کۆماری تورکیا لە لێدوانێکدا وتی نە فەتۆچییەکان و لایەنگرانی فەتحوڵڵا گولەن و نە هێزە بیانییەکان هیچکام ناتوانن سوپای تورکیا داگیر بکەن.

ناوبراو کە  لە مەراسیمی دەرچوونی کۆمەڵێک خوێندکاری کۆلێژی سەربازی لە زانکۆی بەرگری میللی، گوتاری پێشکەش دەکرد، وتی: ئەم سوپایه‌ سوپای كوده‌تاچییه‌كان و فه‌تۆچییه‌كان نییه‌. ئه‌م سوپایه‌ سوپای دامه‌زراوه‌ بیانییه‌ جۆراوجۆره‌كان نییه‌.

جەختی لەوەش کردەوە: ئه‌م سوپایه‌ ته‌نها و ته‌نها سوپای توركیایه‌ و سوپای گه‌لی توركه‌.

شایانی باسە، پاش کوودەتا بێ ئاکامەکەی ساڵی ٢٠١٦ی تورکیا، دەوڵەتی ئەو وڵاتە بە بیانووی دەست هەبوونی ڕاستەوخۆ و ناڕاستەوخۆی ڕێکخراوی فەتحوڵڵا گولەن لە ئەنجام دانی کوودەتا، دەستی دایە پاکسازییەکی بەربڵاو لە سوپاکەی، کارمەندانی دەوڵەت و دەزگای دادی ئەو وڵاتە.

News Code 14718

نیشانەکان

بۆچوونی ئێوە

You are replying to: .
  • 2 + 0 =