به ڕاپۆرتی ئاژانسی هه‌واڵی مێهر؛ شه‌وی ڕابردوو له یاریگای سانتیاگۆ بێرنابێئۆ یانه‌ی ڕیال مه‌درید له یاریه‌کی سه‌ره‌نجڕاکێشدا به ۵ گۆڵی بێ وڵام توانی گرانادا ببه‌زێنێت.
لە خوله‌که‌کانی ۱۲ و ۲۱ و ۲۷ و ۳۱دا ڕیالییه‌کان توانییان ۴ گۆڵ تۆمار بکه‌ن که پشکی هەریەک لە ئیسکۆ دوو گۆڵ و ڕۆناڵدۆ و کەریم بێنزێمە یه‌ک گۆڵ بوو.
لەتایمی دووەمدا و لە خولەکی ۵۸دا کاسیمیرۆ گۆڵی پێنجەمی بۆ ڕیال تۆمارکرد و یارییەکە بە ئەنجامی ۵ گۆڵ به‌رانبه‌ر به سیفر لە بەرژەوەندی یانه‌ی شاهانه کۆتایی هات.
ڕیاڵ مەدرید بەم سەرکەوتنە بووه ۴۰ خاڵ و لە پێشەنگی لالیگایە.
پێش له‌م یاریه کریستیانۆ ڕۆناڵدۆ چواره‌مین تۆپی زێڕینی خۆی له یاریگای سانتیاگۆ نمایش دا و له‌لایه‌ن هانده‌رانیه‌وه پێشوازی لێکرا.
ژماره‌یه‌ک له یاریزانه پێشه‌نگه‌کانی ئه‌م یانه‌یه‌ش بانگهێشتی یاریه‌که کرابوون.
ڕیاڵ مەدرید بەم سەرکەوتنە بووه ۴۰ خاڵ و لە پێشەنگی لالیگایە.
Your Comment