مەسعود بارزانی داوای گفتوگۆ لەگەڵ دەوڵەتی بەغداد دەکات

سەرۆکى پارتى دیموکراتى کوردستان داوای گفتوگۆ لەگەڵ بەغداد دەکات لەبارەی بڕیارەکانی دادگای فیدراڵیەوە سەبارەت بە دۆسییەى نەوتى هەرێم.

بەپێی ڕاپۆرتی ئاژانسی هەواڵی مێهر، راگەیەنراوێکى بارەگای بارزانى، ئەمرۆ یەكشەممە لە سەلاحەددین سەرۆك مەسعود بارزانی پێشوازی لە مارك برایسن ڕیچاردسۆن باڵیۆزی بریتانیا لە عێراق كرد.

لە دیدارەكەدا كە دێڤید هانت كونسوڵی بریتانیا لە هەولێر ئامادەی بوو هەنگاوەكانی ناو پڕۆسەی سیاسیی عێراق و تەحەددیات و ئاستەنگەكانی بەردەم پێكهێنانی حكوومەتی تازەی عێراق تاوتوێ كرا.

هەر لەو دیدارەدا باس لە بڕیارەكانی دادگەی فیدڕاڵیی عێراق کراوەو بارزانی جەختی لەوە كردەوە كە پابەندبوون بە دەستوور و گفتوگۆ چارەسەری گرفت و قەیرانەكانی عێراقە.

پەیوەست بە بارودۆخی سیاسیی هەرێم و مافی پێكهاتەكانی هەرێمی كوردستان، سەرۆکى پارتى پابەندبوونی خۆی بەرانبەر پاراستنی مافی هەموو پێكهاتەكانی هەرێمی كوردستان دووپاتكردەوە.

پەیوەندییەكانی نێوان هەرێمی كوردستان و بریتانیا تەوەرێكی تری ئەو كۆبوونەوە بوو و باڵیۆزی بریتانیا لە عێراق پابەندبوونی وڵاتەكەی بە ئەنجامەكانی سەردانی سەرۆكی حكوومەتی هەرێم بۆ بریتانیا و پەرەپێدانی پەیوەندییەكانی نێوان هەردوولا دووپاتكردەوە.

News Code 42288

نیشانەکان

بۆچوونی ئێوە

You are replying to: .
  • captcha