ئەمیری چەکداری داعش هەبووە بەشداری لە دەنگدانی تایبەتی پەرلەمانی عێراق کردووە

بە پێی ڕاپۆرتی ئاژانسی هەواڵی مێهر، خالید شوانی، لێپرسراوی لیژنەی ڕاگەیاندنی هاوپەیمانی كوردستان لە كەركوك لە كۆنگرەیەكی ڕۆژنامەنوسیدا ڕایگەیاند، بەشێك لە عەرەبەکان دەستکاریی تۆماری دەنگدانیان کردووە و پیلانگێڕیی گەورە و فراوانیان دژی کورد دەستپێکردووە و هەروەها، گۆڕانکاری لە کۆمسیۆنی کەرکوک کراوە و کورد لابراوە.
بەوتەی خالید شوانی، ناوی داعش تۆمارکراوە و ئەمیری داعش هەبووە بەشداریی دەنگدانی تایبەتی كردووە، بۆیە سکاڵایان لە کۆمسیۆن تۆمارکردووە و بەڵگەكانیشیان ڕادەستكردوون.
لێپرسراوی لیژنەی ڕاگەیاندنی هاوپەیمانی كوردستان لە كەركوك وتیشی: کەسایەتیی سیاسیی گەورەی عەرەب دەستیان لەپشت ئەو كارەوە بووە، بۆیە سکاڵایان لەدژی ئەو کەسانە تۆمارکردووە.