باڵوێزخانەی ئەمریکا دژایەتی بەرخۆدان دەکات/ پاپۆری دووەم بۆ لوبنان بەرێوەیە

ئەمینداری گشتی حزبوڵای لوبنان وتی: باڵوێزخانەی ئەمریکا دژایەتی بەرخۆدان دەکات.

بە پێی ڕاپۆرتی ئاژانسی هەواڵی مێهر، سەید حەسەن نەسروڵا ئەمینداری گشتی حزبوڵڵای لوبنان لە وتەدانێکیدا بە بۆنەی یادی فەرماندە شەهیدەکانی بەرخۆدانی ئیسلامی لوبنان، ئاماژەی دایە ڕۆڵی تێکدەرانەی ئەمریکا و عەرەبستان لە لوبنان.

ئەمریکا لایەنگری تەکفیرییەکانە

سەید حەسەن زیادی کرد: ڕازی بەهێزیی بەرخۆدان ئەمەیە کە هیچ کات بە دوای بەرژەوەندی خۆیەوە نییە. ناوچەی ئەلبوقاع جگە لە بێ بەشی و کەمتەرخەمی هیچی نەدیوە بەڵام بۆ نیشطمان باشترین گەنجان و خوێنی پاکی داوە.

دانیشتوانی ناوچەی ئەلهەرمەل و ئەلبوقاع بە باشی دەیانزانی کە باڵوێزخانەی ئەمریکا و ئەمریکاییەکان تیرۆریستەکانیان لە ناوچەکەدا جێگیر کردووە و ڕێگە نادەن دەوڵەتی لوبنان بڕیاری چارەنووس ساز بدات بۆ بەرەنگاریی تەکفیرییەکان.

باڵوێزخانەی ئەمریکا و عەرەبستان لە پێناو شەڕی ناوخۆیی لە لوبنان دەجووڵێنەوە

سەید حەسەن نەسروڵا جەختی کرد: ئەوەی کە شەڕ دژی بەرخۆدان پێوشوێن دەگرێت، باڵوێزخانەی ئەمریکا لە بەیرووتە. ئەوەی ئەم شەڕە بەڕێوەدەبات، باڵوێزخانەی ئەمریکا و باڵوێزەکانیەتی کە لە ساڵی 2005ەوە بەردەوام هاتن و شکستیان هێنا.

واشنتۆن بژێوی گەلی لوبنانی کردۆتە ئامانج

ڕاشیگەیاند: کردنە ئامانجی بژێوی خەڵک لە ئەستۆی باڵوێزخانەی ئەمریکایە لە لوبنان کە دەستێوەردان لە هەموو بابەتێک دەکات. باڵوێزخانەکانی ئەمریکا و عەرەبستان لە ماوەی ساڵانی ڕابردوودا لە پێناو دروست کردنی شەڕی ناوخۆیی لە لوبنان کاریان دەکرد.

پاپۆڕی دووەم بەڕێوەیە

ئەمینداری گشتی حزبوڵڵای لوبنان هەروەها ئاماژەی دا کە پاپۆڕێکی سووتەمەنی هاتووەتە لوبنان و دووەم پاپۆڕیش بەڕێوەیە و لەم ڕۆژانەدا دەگات.

News Code 38787

نیشانەکان

بۆچوونی ئێوە

You are replying to: .
  • 4 + 1 =