ناوەڕۆكی رێکكه‌وتنه‌كانی نێوان به‌غدا و واشنتن ئاشکرا بوو

ناوەڕۆكی رێكه‌وتنه‌كانی نێوان به‌غدا و واشنتنی له‌چوارچێوه‌ی دیالۆگی ستراتیژی بڵاوكرایەوە.

بە پێی ڕاپۆرتی ئاژانسی هەواڵی مێهر، وه‌زیری ده‌ره‌وه‌ی عێراق، ناوەڕۆكی رێكه‌وتنه‌كانی نێوان به‌غدا و واشنتنی له‌چوارچێوه‌ی دیالۆگی ستراتیژی بڵاوكرده‌وه‌ و رایگه‌یاند: ئه‌مریكا رێز له‌سه‌روه‌ری عێراق ده‌گرێت و به‌رده‌وامبێت له‌ده‌سته‌به‌ركردنی پێداویستیه‌كان بۆ پاراستنی یه‌كێتی خاكه‌كه‌ی و هەروەها، تا كۆتایی ئه‌مساڵ، هیچ هێزێكی شه‌ڕكه‌ری ئه‌مریكی له‌ عێراق نامێنێت.

فوئاد حسێن، وه‌زیری ده‌ره‌وه‌ی عێراق لەسەر ناوەڕۆكی ڕێككەوتنی بەغدا و واشتن كۆنگرەیەكی ڕۆژنامەنوسی سازكرد و رایگەیاند: ئه‌مڕۆ چواره‌مین گه‌ڕی دانوستانه‌كان كە دوایین كۆبونه‌وه‌ی دیالۆگی ستراتیژی نێوان ئه‌مریكا و عێراق بو به‌ڕێوه‌چو، لە كۆبونەكەكەدا رێكه‌وتن له‌سه‌ر پێنج خاڵ كرا.

خاڵی یەكەم: كه‌ ئه‌مریكا رێز له‌سه‌روه‌ری و یاساكانی عێراق ده‌گرێت و به‌ڵێنیشیداوە به‌رده‌وامبێت له‌ده‌سته‌به‌ركردنی پێداویستیه‌كان بۆ پاراستنی یه‌كێتی خاكه‌كه‌ی.

بەپێی خاڵی دووه‌م: حكومه‌تی عێراق پابه‌ند ده‌بێت به‌ پاراستنی ئه‌ندامه‌كانی هاوپه‌یمانی نێوده‌وڵه‌تی به‌تایبه‌ت ئه‌وانه‌ی راهێنان به‌ هێزه‌ ئه‌منیه‌كانی عێراق ده‌كه‌ن و هه‌مو هێزه‌كانی هاوپه‌یمانی نێوده‌وڵه‌تی كارده‌كه‌ن له‌سه‌ر بنه‌مای راسپارده‌ و داواكاری حكومه‌تی عێراق.

خاڵی سێیه‌م: ئه‌و بنكانه‌ی ئه‌ندامانی هێزه‌كانی هاوپه‌یمانانی تێدایه‌، بنكه‌ی عێراقین و له‌سه‌ر به‌پێی یاسا كارپێكراوه‌كانی عێراق به‌ڕێوه‌ده‌برێن، نه‌ك بنكه‌ی ئه‌مریكی بن.

خاڵی چوارەم: بوونی ئه‌ندامانی هێزه‌ نێوده‌وڵه‌تیه‌كان له‌ عێراق ته‌نها بۆ پشتیوانیكردنی حكومه‌تی عێراق ده‌بێت له‌جه‌نگی دژ به‌ داعش.

خاڵی پێنجه‌م: تاوه‌كو 31ی كانونی یه‌كه‌می2021 هیچ هێزێكی شه‌ڕكه‌ری ئه‌مریكی له‌ عێراق نامێنێت.

News Code 38392

نیشانەکان

بۆچوونی ئێوە

You are replying to: .
  • 4 + 12 =