بە ڕاپۆرتی ئاژانسی هەواڵی مێهر، تەلحە کایا سەرۆکی پێشووی پارتی کوردی ئاشتی و دیمۆکراسی(بەدەپە) لقی دوغو بایزید، بە تۆمەتی نووسینی تابلۆی سەر دەرکەی پارتەکەی بە زمانی کوردی دوای دو ساڵ بە یەک ساڵ و 8 مانگ زیندانی سزا درا.
بە گوێرەی هەواڵی گازتە دیوار، مێدیای نزیک لە کوردەکانی تورکیا، تەلحە کایا کە لە ساڵی 2011 سەرۆکی پارتی ئاشتی و دیمۆکراسی لقی دوغوبایزید بوو، لە ئەو کاتەدا تابلۆی نووسینگەی پارتەکەیی بە دوو زمانی تورکی و کوردی نووسی. لە سەر تابلۆکە لە پاڵ زمانی تورکی، بە زمانی کوردی نووسرابوو «Partiya Aştî û Demokrasiyê a rêXistina Navçe ya Bazîd" . دوای هەڵواسینی تابلۆکە لەسەر دەرکەی ئەو پارتە دەستبەخێ دادستێنی دوغو بایزید دۆسیەی یاسایی دژی کایا دەست پێکرد و تابلۆکەشی هێنایە خوارەوە.
دوای دەست بەسەردا گرتنی تابلۆکە، دادستێنی گشتی دۆغۆ بایزید لێکۆڵینەوەی لە دژی کایا بە تۆمەتی پڕوپاگەندا بۆ ڕێکخراوی تیرۆریستی و وەستانەوە لە بەرانبەر پۆلیس دەست پێکرد. دادگای سەرەتایی ئەو شارە نووسینی تابلۆ بە زمانی کوردیی بە واتای پڕوپاگەندا بۆ ڕێکخراوی تیرۆریستی وەسف کرد و کایای بە یەک ساڵ و 8 مانگ زیندانی سزا دا.
Your Comment