بەرپرسیاریەتی ڕژیمی زایۆنی لە ڕووداوی نەتەنز بە تەواوەتی ئاشکرایە

سەرۆکی بەشی ئێرانی شۆرای ئاتلانتیکی ئەمریکا وتی: هاوکاری ڕژیمی زایۆنی لە ڕووداوی ناڤۆکی نەتەنز بە تەواوەتی ئاشکرایە و مەبەستی ڕاگرتنی بەرنامەی ناڤۆکی ئێرانە.

بە پێی هەواڵی مێهر، ژێرخانە ناڤۆکییەکانی نەتەنز کرایە ئامانجی ئوپەراسیۆنێکی خراپەکاری. سەعید خەتیب زادە، وتەبێژی وەزارەتی دەرەوەی ئێران، ڕژیمی زایۆنی وەکوو بەرپرسی ئەم ئوپەراسیۆنە ناساند و وتی: مەبەستی ئیسرائیل سنووردار کردنەوەی هێز و توانای ناڤۆکی ئێرانە.

محەمەد جەواد زەریفیش لەم بارەوە وتی: ئەم کارەی ئیسرائیل بۆ کاریگەری دانان لە سەر دۆخی دانوستانەکانی ئێران و ئەمریکا بووە و تۆڵەی ئەم کارانە دەستێنینەوە.

باربارا ئیسلاوین سەرۆکی بەشی ئێرانی شۆرای ئاتلانتیکی ئەمریکا لە دیمانە لە گەڵ مێهر وتی: تا ئێستا بەڵگەیەک بۆ هاواهەنگی ئیسرائیل و ئەمریکا لەم ڕووداوە بوونی نییە و نەسەلمێندراوە.

ئیسلاوین ئاماژەی بۆ کێشە ناوخۆییەکانی نتانیاهو لە وڵاتەکەی خۆی کرد و وتیشی: ئەو لە هەموو دەرفەتێک بۆ ڕاگرتنی بەرنامەی ناڤۆکی ئێران کەڵک وەردەگرێت.

ئەو ڕوونی کردەوە: بەرپرسیاریەتی ئیسرائیل لەم ڕووداوەدا ڕوون و ئاشکرایە. باشترین وڵام بۆ ئەم کارەی ئیسرائیل گەڕانەوەی خێرا بۆ بەرجامە. ئەمە نیشان دەدات کە یاسا و مافە نێونەتەوەییەکان گرینگتر لە هێرشی سەربازی یەک لایەنە و خراپەکارییە.

 

News Code 36793

نیشانەکان

بۆچوونی ئێوە

You are replying to: .
  • 8 + 7 =